諾諾的作品......

諾諾呢期好興做手工，畫公仔响紙仔、接成一舊舊加個萬字夾咁送比至愛親朋，包括心爸心媽、DAI B & BFC、公公婆婆及舅父。

早兩個WEEK，我又收到諾諾的數件作品，真的精美。但太多嘛，地方又淺窄，唯有放一些進環保箱起啦。BFC居然放入紙巾盒喎，咁紙巾盒有個透明位架嘛，仲要攝咗响面頭喎。到星期日叫諾諾幫我地拎野去環保箱時，居然：

諾諾：(NEW NEW吓)呢個萬字夾我架喎.......
DAI B & BFC登時你眼望我眼......
DAI B：(死撐ING)唔係，係個萬字夾之嘛，D紙我收埋咗啦，萬字夾我無位放嘛，咪唔要囉。(一額汗)
諾諾唔信，想伸隻手指仔入去NEW出嚟睇呢。O NO......
DAI B：唉吔，污糟呀，唔好摷啦，呢D紙唔係你既哩.......(心虛中)
諾諾放低個紙巾盒，唔肯再拎起(敢怒不敢言)......

去到LIFT口，佢心心不忿，再問一次：
諾諾：D紙真係我架喎.......
DAI B：(唯有又死撐)真係唔係哩.....你送比的紙仔我收埋晒啦.....第日攞返比你睇嘞(博佢記性差)

幾日後，有一日返到POOH HOUSE，發現一大"乍"諾諾的作品放在枱上，再加一張便條：
(姨姨，諾諾話送比你的，佢叫你記住記住好好咁收埋保存喎......心媽)
擺明唔信我上次的解釋啦，作出無聲的抗議，"你掉我一件，我送番10件過你，哼".......

諾諾與姨丈的紏紛

星期日，諾諾同BFC姨丈又發生以下趣怪事：

諾諾去完尿尿，洗手時，BFC姨丈望到佢唧皂液，唧第二下時，大叫......
BFC姨丈：嘩，諾諾，唧一下夠架啦，唔洗咁多架。
諾諾無理佢，繼續第三下。
BFC姨丈：嘩，你仲唧......(更大聲)
諾諾望咗BFC姨丈一眼，隨即無捽勻皂液就沖水。
BFC姨丈：吓? 你都無洗，就咁沖晒去.....唔洗咁多架......
諾諾這時洗完抺手，對眼仔一直"啤"住BFC姨丈。

此時，BFC姨丈如夢初醒對住DAI B說：唉吔，佢唔鐘意我話佢呀.......
咁我無理佢地啦，CLOSE THE DOOR去殊殊啦。
就在此時，我聽到門外的BFC姨丈陰聲細氣同諾諾講：
BFC姨丈：即係咁，我唔係話你唧得多呀，我怕你洗唔乾淨食咗肚痛咋!
DAI B忍唔住在TOILET大叫：解釋等如掩飾......HAHAHA

最後，我見諾諾有啋番BFC姨丈.............

諾諾與心媽的紏紛

話說靚仔舅父早前買了6杯貴價ICE-CREAM過佢地食，上星期六第二次品嚐時，發生以下事情：

心媽：食快D啦喎，我地要走啦，夜啦。
(因為個ICE-CREAM太凍的關係，實到"不"唔到，只可細細啖咁食)
心媽：不如我幫你食緊D啦!
諾諾：唔得! (決絶地)
心媽：唉吔，個雪糕咁實，咁不如等我幫你用"熱水整林小小嘞"......(查實諗住食佢一兩匙，等佢快D食完)

咁諾諾就响半推半就/半信半疑下交咗杯ICE-CREAM比心媽嘞
心媽行入廚房扮用熱水整林個ICE-CREAM......
諾諾亦步亦趨咁跟到實，連褲袋跌咗野都懶理......
心媽被諾諾迫到埋牆角，無計可施下，急手"不"咗一啖ICE-CREAM入口......
就在此時，令人O咀的事發生了.......

諾諾：(好嬲，真的好嬲)我唔食啦...........
跟住轉身氣沖沖面紅紅咁行番出廳(少可見佢行得咁快)......
跟住"DONE"落梳化，連坐佢隔離再隔離的公公都被這一"DONE"震咗一下!
响呢個時侯，大家仍然摸不著頭腦點解佢咁嬲(因為係廚房事件，無人睇到)，心媽就施施然攞住另一隻未用過的匙行出來：
心媽：唏.....你用呢隻嘞.....呢隻未用過架，乾淨架!
諾諾(見係至愛的ICE-CREAM咋)於是乎條氣順返小小咁接過新匙同杯ICE-CREAM繼續食咯。

佢唔係孤寒唔肯請人食一啖ICE-CREAM.....佢只係好唔LIKE用佢隻匙去食......有口水尾喎......

好在心媽知佢心意，夠快補飛咋......唔係佢實喊啫......到時舅父又實即帶佢去買過杯，分分鐘另加兩筒CANDIES添呀! HAHA

心媽PLAN緊"檸檬茶復仇大計".........

久違了的DAI B

DAI B近期去咗邊暑呢? 咁耐無UPDATE..........

查實佢無去邊暑......只係呢期別名叫"阿雲"+懶蟲入侵5臟6腑啫!

由上次寫BLOG到家陣，只係經歷咗農曆新年同埋搬公司兩件特別事啫。
農曆年，年卅晚，團年飯。年初一，拜咗半日年。年初二，返娘家開年+返OFFICE睇煙花。初三，賦閑在家。初四，開工。THAT'S ALL!
搬OFFICE，豪宅==>到貧民窟，陰功。過程一個字講晒 -- 煩! FINISH!

諾諾又跳舞

今次諾諾衝出九龍，邁向港島了!

AGAIN，22/12學校又安排佢地表演跳舞，呢次响灣仔會展的書展。書展? 咪好多人囉! OH...書展確實係書展，但唔係排晒長龍果個，係另一個MINI書展。不過無要緊，表演者同樣的投入落力，觀眾亦同樣的欣賞支持，GOOD SHOW!

09第一笑

心媽大叫：我要睇"超零雪雪狗"...........

(哦......原來係想講超級零零狗......)

LONG VACATION

由於公司要清假的關係，只好"被迫"放咗11日的悠長假期(要扣自己假架).......

25/12，過咗大海，一行6人。"望吓山望吓海'麥COW'旅行.......大衫巴、冠音像、嗎角廟景緻真優美.....X香園X香園，買手信買手信......" 5樣野我地只做了2樣，就係'麥COW'旅行同埋去咗大衫巴咋......

晨早7點出發.....先買6張"受盡氣"的船飛.....到步後先飲茶.....再去手信街...大衫巴...紅屋街(阿SO介紹的)...食FISH皮...觀江塔....歎PIG扒包...官吔街...威你詩人...魚人碼頭...再搭船返到屋企已夜晚12點咯! 盡興......盡興......










26/12，BOXING DAY，首要瞓到黃朝八晏，食個LUNCH後又去咗美食展，迫人到呀，根本無可能睇到野。之後搭渡輪去尖東賞燈飾。

27/12，無聊休假又一DAY。

28/12，心氏一家去咗朋友屋企十十吓，我同BFC就出席咗阿姐的欣賞會。期間播放阿姐90年27歲在大專會堂的FANCLUB生日會，即係阿姐宣佈唔再攞獎的那一年。

29/12，羊城一天遊。我想大概有10年無踏足祖國國土了，趁住申請咗的回鄉卡新鮮熱辣，咪返吓鄉下(真係我鄉下嚟架)，做個港燦囉。羊城我細個時成日跟家人返去，印象其實不太深，只係覺得現在的羊城，同台灣差不多，當然，亦明顯乾淨文明得多了，但感覺始終唔太安全，揞住個袋同孖住去TOILET係好自然的事。

在羊城，居然比我搵到2隻阿姐的紫色"大陸正版"CD，雖然首首歌我都有齊，但紫色實在"賣飛佛"，亦係阿姐的"飛佛"，於是用了200人仔買了2隻阿姐同一隻賓奇步。

在羊城，食係主要節目，我地早晚分別試咗出名的"淘淘居"&"無米足"。淘淘居出名泡茶講究，點心亦OK好味，而無米足就係用粥作邊爐湯底，幾特別食物亦頗新鮮，尤其蝦，YUMMY YUMMY。








30/12，晚上才出動。5年了，每年的今天，都彷如昨天一樣，十分之唔捨得。晚上參加了FANCLUB的齋宴，跟住就係欣賞阿姐的MV......U'RE ALWAYS IN MY HEART!
















31/12，無無聊聊下晚上貢咗出尖咀諗住玩倒數，典知實在PPL MOUNTAIN PPL SEA，加上年輕人的世界，格格不入咁，於是乎吔咗個幾十蚊的ICE-CREAM後，寧願返回MC2同"嘉FING"一齊倒數算把啦!

1/1，去咗"米加扑屎"見我至愛的POOH POOH們.......嘩，勁多呀......到處都係呀......OMG.....最後花費咗幾舊加68大洋換咗"睡寶POOH"一隻，仲有用100元買咗POOH合照同匙扣，滿足。












2/1，BFC返工，我HAR咗大半日後出動，去咗"太苦城"SHOPPING，買咗好多揮春迎新年。

3/1，又係無聊日。

4/1，心心姐要在家備戰考試，我同BFC同諾諾又去多轉"米加扑屎"，因為第二日POOH POOH們要返森林了，88。

5/1，返工日，SO HARD TO WAKE ME UP!!!!!!!!!!!