中獎?!

突然間有人打比BFC，話佢知佢中咗獎喎....仲以為係祈福黨添! 原來唔係，係有次佢無無聊在商場參加咗"二奶電視台"的廣告頒獎禮大抽獎，求其TICK兩TICK果隻呢，典知比佢中咗獎喎(六合彩又唔見中)!

萬眾期待獎品係咩呢? 登登登登.....就係靈芝包子90大粒，真係多謝晒! 仲要千里迢迢入到大埔拎，仲要OFFICE HOURS，真係好唔該晒!

EYEFUNG

我DAI B有SHAKE SHAKE新玩意，BFC又點會咁執輸呀?

佢最新心頭好咪就係呢期熱賣中的"I瘋"囉....

好，買買買，咪話我唔公平! 睇真D，呢部機又用唔到無線HEAD PHONE聽歌，又用唔到"爛牙"SEND野.....咁又咩好處呀?點解要買呀? BFC居然答我：因為IN囉，潮囉......吹脹!

噚晚屋企靜咗好多，因為.....有人玩物喪志....囉

BFC踩入試場

BFC話佢地電腦從業員要不停update自己，考多d exam，攞多幾張cert，先可以應付每日電腦上出現唔同的問題，至重要係，响重要關頭有bargaining power，爭取自己應得既野，even跳起蹧嚟身價都可觀得多。

就因為咁，呢個月嚟佢好鬼勤力(係將勤補拙先啱...hahahaha)，終於睇晒所有試題同記晒入腦。話時話喎，我有份幫手架，因為試題同答案分開兩叠，係我幫佢match番埋一齊架，百幾條喎，你估野小呀? 所以我功不可沒呀!!!

上星期五(14/9)，ready，BFC決定踩入試場，雄心壯志，殺佢一個滿分番嚟。原定考3.5hrs的exam，佢呀，1粒鐘走番出嚟。千期咪以為佢衰咗喎，查實係1000分裡面攞咗971分，ok架噃，但佢居然扁晒咀dum晒地，話無奶由錯架嘛，已經背熟晒d答案，除非網上的model answer根本唔啱啦!!

OKOK, good boy架啦....但你話要考齊7個，好似仲有5個喎，奸爸爹唷!!!!!!!!!!!!

剪髮、剪髮、人人都鐘意剪頭髮

話說BFC覺頭髮長想剪好耐，叫我DAI B幫佢剪，好似同肥貓哥剪咁喎!! 你都傻傻地，你估真係粒個湯碗落去剪齊佢咁簡單咩，要layer同curve架嘛，於是我咪搵人搞掂佢囉!

因為貪平，揀咗間$180包剪髮+染髮，佢自己入去，我去行超市。行超市要幾耐呀，頂多咪半粒鐘，响我返到屋企放低嘢都未夠10分鐘，佢己剪完返緊嚟!!嘩.....真係快得緊要!!一入門口，oh....都OK呀，幾醒神喎! 佢一擰轉背比我睇，咦，點解條t-shirt領咁濕既?? 原來係洗頭仔趕收工，咪整到人濕晒囉!! 咁都得?? 總括嚟講，佢話呢間得二個字形容~~~"乸西"!!

唔緊要，一次咁多啫，我下次帶番你去搵Joey哥哥吓!!OK??