奇妙之旅 - Part 12の後會有期 + 週年紀念

噚日係我包養咗BFC一週年的大喜日子，當然要好好咁慶一慶佢啦!

節目一：迪迪尼

上回已提及ANNUAL PASS即將到期，於是又入迪迪尼。

晨咁早出發，一輪狂風掃落葉，今次行程包括 - 同高飛影相、勁影城堡、SPACE MOUNTAIN、幸會史迪仔、2次小小世界、POOH HOUSE、影POOH POOH X 2、影米奇米妮、影高飛同布魯圖、影CHIP N DALE、 玩激流、坐火車、整咗15個COINS、買咗2件TEE 2個鎖匙扣同2條電話成、食咗一餐晏同一個TEA(應該無漏嘞啩)。若然有時間，可以玩埋馳車天地、巴斯光年、影埋史迪仔同DONALD+DAISY、再睇埋相咁就PERFECT嘞!



















































節目二：SEMI-BUFFET

上年酒席後，酒店送咗兩張BUFFET COUPON過我地，DEADLINE係一年後，即係噚日。SEMI-BUFFET即係MAIN COURSE就特定，其他如甜品、水果、壽司等就任食。總括嚟講，水準OK，我至愛的甜品都幾豐富，包括多款的CAKE & TART、豆腐花、朱古力噴泉、果肉雪糕等，另有壽司都幾多款式，任君選擇。服務亦算好OK。唔洗錢的話，我比80分，要錢的話，都有70分的。

奇妙之旅 - Part 11の年票倒數中..............

年票快將到期，係時侯煲盡佢啦~~

星期六，"又"去迪迪尼。今次，主要係睇巡遊同埋煙花。總之要影低晒每一個片段，作為第日的回憶!

奇妙之旅 - Part 10の向小小世界出發

星期六，3號波+黑色暴雨+風雨向橫發展，原本諗住星期日入侵小小世界的計劃(DELUXE ANNUAL PASS有優先試玩)，唯有取消啦! 我同BFC當晚仲唔願瞓，又睇TV，又玩波子棋，HAE到三更半夜，諗住第二日可以瞓到黃朝八晏架嘛。

典知星期日6點幾我起身殊殊後，個天巧光喎，裝吓條街，唉，地下好乾咁喎，似乎好好天喎....但奈何被周公子苦苦痴纏.....當然繼續SLEEPING啦，唔通考慮去迪迪尼咩? 8:30，突然BFC沖入嚟話心媽找我，我回CALL....

心媽：喂，你見唔見到個天呀?
DAI B: 見到，好光嘛! (就係太光，我要冚住個頭瞓)
心媽：喂起身啦，去迪迪尼啦!
DAI B：吓? (倒抽一口涼氣) 是但啦.....起身咯.....

跟住就拍吓身旁被嘈到半醒的諾仔：喂，起身啦，去街啦.......佢就好似夢遊般行咗出廳坐咗响暑嘞!

正式向小小世界出發~~~~~人人常歡笑，不要眼淚淖~~~~~~

滿心期待，典知幾令人失望。係就係新野，但可惜好鬼細，同埋得一樣野玩咋，就係坐船睇代表唔同國家的木偶公仔。好在係ANNUAL PASS試玩，唔多人，頂多排2-3MINUTES，仲可以指定坐船頭位，所以我地足足玩咗4轉，無蝕底!

總括噚日行程：我地响心媽地入嚟前(因為心心姐要跳舞，我同BFC同諾仔入去玩住等)，已玩咗兩轉小小世界，睇咗一次STITCH，同史迪仔影咗兩次相，一次射槍，整咗一個金幣，同MICKEY MINNIE影咗一次相，食咗一杯雪糕，飲咗一杯沙冰.....咁囉。心媽地入到嚟後，玩咗兩轉小小世界，食咗一碗面，之後分道楊標，我地去大街SHOPPING，買咗一枝糖一個電筒同一個飯盒，影咗幾張城堡相，睇咗3D同"攞"咗幾副超；佢地就去咗玩咖啡杯同POOH HOUSE，仲坐埋船同上咗樹屋，仲SHOPPING埋買咗4件TEE一人一件咁囉。




























史迪仔熊抱諾仔













DAI B又熊抱返史迪仔











係咪巧型仔呢?












攰到飛起，鬆人，返出嚟食晚飯回家沖涼瞓覺.....ZzzzzzzzZzzzzzzzzzzz.....

奇妙之旅 - Part 9の與史迪仔對話

迪迪尼的農曆新年LOOK，我地都未有去過，皆因我地的票價係某D節日BLOCK咗的，例如聖誕及新年，所以噚日我地趁樂園新年LOOK最後一日，冒住迷懞細雨都要入去闖一闖!

哈，噚日成朝有毛毛雨，等我地仲攞晒雨具(2件雨褸及4把雨遮)，點知入到去天色唔錯喎，仲有微弱的陽光添，地下都幾乾爽，係有小小寒風啫，無法啦，話晒係郊外空曠地方。真係THANKS上天賜比我地咁好的天氣咯!











一入去，MISS咗個巡遊，有D可惜。賀年LOOK的米奇同米妮又大排長龍，唯有歎句無緣合照啦!點知行到中途見到另一對賀年孖寶喎 -- 就係"大鼻帝帝"同"鋼牙淇淇"啦(即係CHIP & DALE)! 都合照吓啦，好過無!

跟住影吓圍住廣場中央的米奇像，每隻都有唔同名星的名字，例如森美、張學友與女兒等，其中一隻居然係"天真嬌"喎.....OH....佢地個個杯葛唔影.....我有喎.....咪誤會.....我係諗住影嚟射吓靶練吓眼界咋! 之後入咗米奇部屋，都有好多賀年物品，例如年桔呀、巨形籮白糕咁，頗有新意!

咦.....新玩意喎....叫"布公仔流動實驗室"....好得意的，係有人响REMOTE CENTRE CONTROL，個公仔識講野同郁頭的，若你阻佢去路，佢係會噴水的! 新鮮新鮮!









今次，依舊有去"幸會史迪仔"。我地今次終於守得雲開啦，史迪仔叫終於同我地玩啦，佢通緝BFC呀，仲同我DAI B傾計呀，好似叫咗我一聲"令女"添呀!WAHAHAHA

出嚟啱啱做緊賀年SHOW，有卡通人物載歌載舞咁，都幾熱鬧架! 由於聽日(即今日)要返工返學，唯有未睇煙花就走啦，皆因原來兩位美人仲有成棟功課未完成呢! 奸爸爹!

奇妙之旅 - Part 8の幸會史迪仔

又嚟奇妙之旅啦....YES....係"又".....就嚟我地合埋眼都識行啦....."小小世界"你幾時開得啫究竟?!

我地揀5/1，係有計算過的~~希望趁聖誕及新年假放晒，又未到農曆年前，可以响人流稀疏的情況下"暢遊"一下樂園嘛! 果然不出我地所料，比起上次去(聖誕假期前夕)，真係小人咗好多，影得個PARK好大呀! 就响咁既人流下，我地實行一開三(即係將以前玩一樣的時間用嚟玩3樣野囉)，反轉迪迪尼!



巧小人呢~~





我地當日的足跡遍踏：觀光火車啦，動畫教室啦，小飛象啦，POOH HOUSE啦，巴斯光年啦，仲有同好多CHARACTERS影相啦，包括XMAS LOOK的米奇米妮、NORMAL LOOK的米奇米妮、POOH POOH、唐老鴨.....同埋我恨到流晒口水的史迪仔呀! (我地買相時，工作人員都話史迪仔好難影架!)

我大大話話去過樂園10幾次，真係一次都未見過史迪仔真身架(心媽又見過，心爸又見過，連BFC都見過)! 原來專登搵佢好難，可是緣份令我地响狹路上相遇，點吓頭問侯一下，然後.....就梗係影番張相先啦.....咪講笑.....我搵得你好辛苦架!COME ON BABY! 我首先推咗諾仔埋去，佢地簡直一見如故，HUG一HUG，然後深情對望咗3秒(諾仔仍然好PROUD OF自己係第一個同史迪仔影相架)；再嚟心心姐又同佢以互相張牙舞爪的方式打個招呼!大合照過後，當然唔小得我DAI B要同史迪仔影獨照啦....WOW....又翹手又十指緊扣架!SEE!HAHA






我有讓小朋友影先架!





好開心!好開心!好開心!好開心!好開心!好開心!好開心!好開心! 好開心!好開心!好開心!







食緊"失米"









DAI B親手畫的POOH POOH像，形神俱似呀!










"家庭照"






MINNIE塊面SHARP到反光呀!







夜晚去咗美心食，ANNUAL PASS有八折嘛! 原本趕得切睇煙花，但由於兩位美人突然有事要辦，担誤咗時間，最後只睇到LAST果5秒至壯觀的"嘭嘭嘭"...唔緊要啦，來日方長，下次再睇過囉!

總括今次收獲，除可以响寛敞的環境下玩咗好多野外，仲附送史迪仔外套一件同利是封八大叠! STILL 滿足ING.....

奇妙之旅 - Part 7のMerry Christmas!

聖誕將至，係到處展開大型佈置的時侯，Disneyland of coz又有搞作啦! 包括"聖誕老人部屋"、"水晶城堡"....等等!

上星期五，兩位美人學校又放假....無錯，係"又"....己經連續兩個星期五放假啦....今趟又係XX教師日咁喎! 正因為咁，心媽決定放一日假陪佢地去迪迪尼享受一下X'mas啦! (心媽現仍後悔中......HAHAHAHAHA)

都唔明，12月7號，閑日，學校又應該係考試時期，點解迪迪尼都可以咁多人呢? O....謎團終於解開，大部份係遊客(即係自由人啦).....仲以為可以悠悠閑閑咁玩盡佢，點知大失所望! 聽聞佢地只係搭咗火車，去咗聖誕老人部屋，GOLDEN MICKEY....其他如POOH HOUSE，同CHARACTERS影相，射槍，動畫教室等等....通通排晒長龍....無得玩.....O......

放咗工，我同BFC入去JOIN佢地，都7點咯。食小小野，準備睇煙花，水晶城堡+色彩繽紛的煙花，又確實幾令喎! 睇完煙花，咁快走? 我地剛嚟到咋喎....唔得....決定逆流而上，去影城堡夜景先得.....齋睇都真係幾靚!


聖誕老人部屋內的"薑餅人"














水晶城堡










水晶馬車

奇妙之旅 - Part 6のHappy Birthday to Nok Nok!

星期六，是諾仔的2+2歲生日大日子，又係出動去迪迪尼時侯。










晨咁早(查實已經9:45am)，一見到諾仔，當然興高采烈同佢講聲"生日快樂"先啦...點知...佢...居然...冷冷淡咁講咗句："禮物呢?"....? 當堂無癮到極。

入到去，比想像中多人，以自由人同遊客居多，樣樣都要排隊，幾悶爆! 正當我地排咗成45mins玩pooh house時，埋門一腳居然話pooh pooh論論盡盡倒瀉honey喎，要暫停喎，唔係啩，咪玩啦，咁點啫，無計架，咪唯有攞張fast pass一陣再嚟過囉!

去辛會迪迪仔，又排45mins，唉....好在，我地排响一批人的最前頭，可以揀位坐。呢個環節有驚喜呀! 話說諾仔果日生日，樂園送一個襟章過佢，等人人都知佢生日，恭喜佢。咁佢當時又坐正响場中間，仲fing埋隻迷你迪迪仔，終於不負所望，成功引起迪迪仔的注意，點名同佢傾計添!

佢問諾仔食唔食椰子蛋糕，人地都未答，佢已成個吞咗，仲大大聲咁"ur"，真核突! 轉頭仲搞野，見諾仔又想食，居然你手new返出嚟喎，唉....但又真係幾搞笑同warm既! 好衰架，人家已坐正個對號位，佢都唔揀Dai B做老婆，唔開心呀!



























跟住都係玩玩玩咁囉....最後睇埋個X'mas巡遊就回家開派對啦!

派對的主角，除咗諾仔外，就係呢個阿笨蛋糕啦! 呢個cake真"new lung"呀....話說個幾月前响apm，諾仔睇見呢個cake，已話生日要，咁當時梗係口爽爽應承佢啦，點知佢記得架啫! 好嘞，生日就到嘞，佢居然不停提話要"阿笨蛋糕，阿笨蛋糕"咁喎，問佢咩生日願望，佢答：阿笨蛋糕，問佢要咩生日禮物，又係：阿笨蛋糕....真吹脤。

買比你唔係問題呀，但事隔個幾月，點知人家有無轉款先得架? 幾大壓力呀!皇天不負有心人，好彩，仲有得賣，原來人地唔係叫阿笨蛋糕呀，係叫反斗馬騮呀，係ice-cream cake嚟架添....yummy yummy....



















切完cake，of coz拆禮物，都幾豐富架，又裙，又boot，又BB玩具，又barbie公仔，又顏色，又pooh pooh煮飯仔，仲有媽媽份唔知咩野，總之開心啦!








Birthday celebration圓滿結束，開"心"快"諾"...............

奇妙之旅 - Part 5の迪士尼黑色世界-哈佬喂

星期日，9月30日，又去咗轉迪迪尼。本以為黃金週，肯定超多人啦，哈，又唔係咁弊啫，閘口只開得一邊，即係話多人極有限啦。

嚟，喪玩前影張外表整齊的合照先。








嚟緊南瓜節，少不免有南瓜人既出現贈贈興，想影相of coz要排隊啦。由於兩位美人驚驚，今次係唯一一次影character無佢地份。








第三次睇golden mickey，終於坐响有利位置，近距離影到迪迪仔的真身啦! SEE~~神采飛揚，崩崩跳，活潑可人...YO








跟住都係玩果D啦，射槍，POOH HOUSE.....原本想趁D人睇巡遊時攝去"幸會迪迪仔"，可惜....因為封路，呢邊係無可能去到另一邊，唯有望門興歎!

無得玩，又過唔到另一邊食野，焗住睇巡遊啦。開頭心心姐好驚，話唔要睇南瓜人，退到好遠好遠企。但到巡遊尾聲，佢突然接受咗哈佬喂的氣氛，唔再驚南瓜車，"哄"前去睇喎...屋O...己經遊到最後一架車啦，下次請早!








最後又去我地响迪迪尼的飯堂開餐，又咖喱鷄，又辣辣面，仲有心心姐的至愛.....芒果布甸。










最後，我地湊走咗一隻"骷髏迪迪"....帶住疲累的身軀返回現代化的城市。

奇妙之旅 - Part 4の暑假結束玩盡佢

8月31日星期五，暑假快將結束，決定帶兩個小魔怪盡地一煲反轉迪迪尼!!

10點半，歎完早餐，浩浩蕩蕩出發，3大2細，查實係論論盡盡就真!!入到去12點正，一如所料，烈日照頭曬，眼都mark唔大(係咪好壓韻呢)!

首站"幸會史迪仔"。排咗半粒鐘，入到去中間位full晒，唯有靠邊坐。呢個program係極度interactive，可惜，我同諾仔舉晒手，史迪仔都無揀我地做"老婆"，佢走寶咋佢....(豈有此理)!!

Next station is"動畫教室"。 呢次專登就啱畫POOH POOH的SESSION，爽，原來我D FRIEND都唔係咁難畫啫，我確實都畫都唔錯架，只係用咗2成功力咋! SEE......




係咪形神俱在呢??HAHA






跟住去美心LUNCH(其實主要係去TOILET同涼冷氣)....EM，價錢都OK啦，約比外面的酒樓貴3成左右啦。食飽飽，閃得，咦，居然撞到"大長今"姐姐喎....頭先咪見D人排晒長龍等佢影相既...哈，佢居然對兩位美人好有興趣，主動同佢地傾偈同影相禾....呢D就叫做"無心插柳"同"魅力沒法檔"囉!呵呵!











THEN，又排長龍影"水著mickey"，呢個係香港迪迪尼至敗筆的地方! 我+BFC同太陽伯伯對峙咗半粒鐘，與此同時，心媽同兩位美人就lee埋涼冷氣涼足半粒鐘，終於等到啦......但又因為就快parade，所以好趕吓，想影多張都唔比!










因為太曬的關係，太陽眼鏡必不可小....呢副超簡直可以比美"全視線"呀，進可攻，退可守......good!

呢個pose.....足以傾倒眾生......wow










咁鬼熱，水係天然甘泉，睇心心的出水芙蓉樣哩......














呢趟去迪迪尼，至大收獲係整咗兩個銅章，一個pooh一個stitch，盛惠20個大洋....抵呀!!!

奇妙之旅 - Part 3の米奇"鼠"假大派對

星期六，8點半起身+36度高溫+大家樂醒神早餐，為的大project揭開序幕。

一出地鐵，"屋o"，心裡暗叫 -- 太陽伯伯洗唔洗咁勤力呀你，仲要無咩雲，頭頂煎隻荷包蛋，得咗!!



























一入樂園，咦，好似唔多人喎，咪住，原來個個都lee晒入室內啫。又咦，"米奇畫室"居然無咩人排喎，真奇怪! 咁梗係要貢入去畫番隻米老鼠過過手癮先啦! 睇睇佢地的傑作...












跟手閃咗去馳車，話就話要等45mins，實質唔洗呀，25mins左右OK啦! 嘩，就响呢個時侯，大插曲發生啦.....

話說我地6個人4架車就嚟埋站時(只爭3、4個車位)，突然勁"塞車"，你比我"sir"前小小先塞都好呀，有瓦遮頭，家陣暴晒下呆等，攞命!! 乾煎咗5分鐘，郁啦郁啦，但只係"慢駛"，仲要車貼車咁排，事有蹺蹊! yes....原來就响我地4架車exactly下一架車，响半路中途死火禾，以致4條車軌全部停晒，壞車及之後的人要烈日下行番站固之然慘，果d排到站頭比人趕番上去等，跟住有廣播話壞車要維修，但又唔知整到幾時的人仲扯晒黑線呀! 我地落車後，邊行邊覺執番身彩，上天對我地實在不薄啊!















實在熱得要命，大家都有微"lone"的感覺，玩水實在有降溫的作用，濕濕身先得....唉，高飛都响度喎，hello hello!

Then....食完晏心爸同心心姐走咗去玩咖啡杯，轉轉轉~~~轉轉轉~~~一向好小暈浪的心心姐都嗌頭暈，諾仔，你咪制呀!

期待已久的"水花巡遊"開始哩，霸番個靚位先得!好似廣告宣傳咁，全部花車都有人向你dull口dull面噴水，感覺幾涼決。 呢個環節至大的驚喜，就係終於有我Dai B個friend - Pooh Pooh啦....雖然瘦咗d.....因為相機唔飲水的關係，所以無影到相!!
"算"完支冰條，拿拿臨衝過去睇"獅子王"，一反常態，心心姐好驚(因為佢以為d動物係真)，反而諾仔就un晒身睇得好投入、好欣賞呢!

呢頂海盜帽，只派比小朋友，大人免問，要去平機會投訴...哼!!















最後一站，就係次次都幫襯的"巴斯光年"射槍"。

我Dai B呢排多咗個新朋友，叫史迪仔，look~~~