諾諾的作品......

諾諾呢期好興做手工，畫公仔响紙仔、接成一舊舊加個萬字夾咁送比至愛親朋，包括心爸心媽、DAI B & BFC、公公婆婆及舅父。

早兩個WEEK，我又收到諾諾的數件作品，真的精美。但太多嘛，地方又淺窄，唯有放一些進環保箱起啦。BFC居然放入紙巾盒喎，咁紙巾盒有個透明位架嘛，仲要攝咗响面頭喎。到星期日叫諾諾幫我地拎野去環保箱時，居然：

諾諾：(NEW NEW吓)呢個萬字夾我架喎.......
DAI B & BFC登時你眼望我眼......
DAI B：(死撐ING)唔係，係個萬字夾之嘛，D紙我收埋咗啦，萬字夾我無位放嘛，咪唔要囉。(一額汗)
諾諾唔信，想伸隻手指仔入去NEW出嚟睇呢。O NO......
DAI B：唉吔，污糟呀，唔好摷啦，呢D紙唔係你既哩.......(心虛中)
諾諾放低個紙巾盒，唔肯再拎起(敢怒不敢言)......

去到LIFT口，佢心心不忿，再問一次：
諾諾：D紙真係我架喎.......
DAI B：(唯有又死撐)真係唔係哩.....你送比的紙仔我收埋晒啦.....第日攞返比你睇嘞(博佢記性差)

幾日後，有一日返到POOH HOUSE，發現一大"乍"諾諾的作品放在枱上，再加一張便條：
(姨姨，諾諾話送比你的，佢叫你記住記住好好咁收埋保存喎......心媽)
擺明唔信我上次的解釋啦，作出無聲的抗議，"你掉我一件，我送番10件過你，哼".......

諾諾與姨丈的紏紛

星期日，諾諾同BFC姨丈又發生以下趣怪事：

諾諾去完尿尿，洗手時，BFC姨丈望到佢唧皂液，唧第二下時，大叫......
BFC姨丈：嘩，諾諾，唧一下夠架啦，唔洗咁多架。
諾諾無理佢，繼續第三下。
BFC姨丈：嘩，你仲唧......(更大聲)
諾諾望咗BFC姨丈一眼，隨即無捽勻皂液就沖水。
BFC姨丈：吓? 你都無洗，就咁沖晒去.....唔洗咁多架......
諾諾這時洗完抺手，對眼仔一直"啤"住BFC姨丈。

此時，BFC姨丈如夢初醒對住DAI B說：唉吔，佢唔鐘意我話佢呀.......
咁我無理佢地啦，CLOSE THE DOOR去殊殊啦。
就在此時，我聽到門外的BFC姨丈陰聲細氣同諾諾講：
BFC姨丈：即係咁，我唔係話你唧得多呀，我怕你洗唔乾淨食咗肚痛咋!
DAI B忍唔住在TOILET大叫：解釋等如掩飾......HAHAHA

最後，我見諾諾有啋番BFC姨丈.............

諾諾與心媽的紏紛

話說靚仔舅父早前買了6杯貴價ICE-CREAM過佢地食，上星期六第二次品嚐時，發生以下事情：

心媽：食快D啦喎，我地要走啦，夜啦。
(因為個ICE-CREAM太凍的關係，實到"不"唔到，只可細細啖咁食)
心媽：不如我幫你食緊D啦!
諾諾：唔得! (決絶地)
心媽：唉吔，個雪糕咁實，咁不如等我幫你用"熱水整林小小嘞"......(查實諗住食佢一兩匙，等佢快D食完)

咁諾諾就响半推半就/半信半疑下交咗杯ICE-CREAM比心媽嘞
心媽行入廚房扮用熱水整林個ICE-CREAM......
諾諾亦步亦趨咁跟到實，連褲袋跌咗野都懶理......
心媽被諾諾迫到埋牆角，無計可施下，急手"不"咗一啖ICE-CREAM入口......
就在此時，令人O咀的事發生了.......

諾諾：(好嬲，真的好嬲)我唔食啦...........
跟住轉身氣沖沖面紅紅咁行番出廳(少可見佢行得咁快)......
跟住"DONE"落梳化，連坐佢隔離再隔離的公公都被這一"DONE"震咗一下!
响呢個時侯，大家仍然摸不著頭腦點解佢咁嬲(因為係廚房事件，無人睇到)，心媽就施施然攞住另一隻未用過的匙行出來：
心媽：唏.....你用呢隻嘞.....呢隻未用過架，乾淨架!
諾諾(見係至愛的ICE-CREAM咋)於是乎條氣順返小小咁接過新匙同杯ICE-CREAM繼續食咯。

佢唔係孤寒唔肯請人食一啖ICE-CREAM.....佢只係好唔LIKE用佢隻匙去食......有口水尾喎......

好在心媽知佢心意，夠快補飛咋......唔係佢實喊啫......到時舅父又實即帶佢去買過杯，分分鐘另加兩筒CANDIES添呀! HAHA

心媽PLAN緊"檸檬茶復仇大計".........

諾諾又跳舞

今次諾諾衝出九龍，邁向港島了!

AGAIN，22/12學校又安排佢地表演跳舞，呢次响灣仔會展的書展。書展? 咪好多人囉! OH...書展確實係書展，但唔係排晒長龍果個，係另一個MINI書展。不過無要緊，表演者同樣的投入落力，觀眾亦同樣的欣賞支持，GOOD SHOW!

09第一笑

心媽大叫：我要睇"超零雪雪狗"...........

(哦......原來係想講超級零零狗......)

心心朗誦比賽

噚日，心心參加校際朗誦比賽，佢同另一個同學代表學校參加一年級女子組，一組有56人，只有冠亞季三個獎。由於心媽公事繁忙，於是由我帶心心去啦。

幾經波折，我呢個路盲最終都係打的去會場(咩社區會堂咁)。56個小朋友，全部唸同一首詩(聽咗56次幾乎我都識唸呢)。真的好佩服而家小朋友的勇氣，咁細個(6歲)已可以自己一個企在台上表演了，姑勿論成績如何，已好叻架啦，起碼沒有小朋友驚得滯失控走咗去或者大哭呀!

結果，三甲的小朋友真的唸得唔錯，夠大聲同有表情。心心：呢次係好珍貴的EXPERIENCE，下次努力吧!

搞笑的諾諾

一向以嚟，心心性格不嬲比較主動"健談"(即係多咀)，係人都so so一番(即係八卦)，朋友亦較多；相反諾諾，就比較被動(實質好多時遊魂中)，要人"柳"佢玩"柳"佢講的(大支野)，成日話自己怕醜喎!

記得上年心心生日，當年仲係幼稚園學生的佢天真無邪，居然同老師講自己今日生日，結果老師都好NICE咁送咗個頭飾比佢作心意(後嚟比諾諾搶咗)，但己好搞笑同有點唐突。

今年仲好笑，唔係心心，係諾諾喎。但又咪誤會，佢自己生日(24/11)選擇低調，無同人講過。但噚日心媽生日，佢居然同老師講"媽媽今日生日"禾! 真頂癮......搞到老師要臨急臨忙下，摷張小小生日卡出嚟，再加粒CANDY作禮物送比心媽禾。唔知今日心媽湊佢返學時撞到呢個老師，有幾尷尬呢可! HAHAAHAHAA........童言真的無忌........

諾諾表演跳舞

星期六(29/11)，心心學校(下年諾諾都係)十週年慶典，咁諾諾幼稚園又係姊妹校，自然大伙兒要跳番PART熱舞助慶娛賓啦!

講起佢地都幾犀利吓，只係練咗4堂，每堂一個鐘，諾諾仲要上星期五請埋假添，即係3堂，都跳得有板有眼吓架。係有時要裝吓隔離左右.......有幾個問號响頭上.......同埋一度人唔跳佢又郁咗咁囉......哈哈哈......請留意，戴紫色頭巾心口有隻"孖騮"果個先係諾諾，隔離果個只係人有相似的同學女而已!

現場仲有嘉年華攤位遊戲、義賣、彈床.....全係慈善性質.....都幾盡興而歸的.....佢地......我地就攰過返工工......

諾諾：聰明絕頂，靚足一世!

今日係諾諾生日的大日子，祝您生日快樂，平安健康!

由於今日正日係閑日，個個要返工工返學學，唯有提早慶祝。節目一係去西貢，做咗咩? 包括吹波波、食雪條、避狗、垂釣同食車仔面。節目二係返回POOH竇開派對，主打當然係切CAKE啦，今年佢自選咗PIANO雪糕CAKE，仲要佢點頭先可以收貨架! 接住係重頭一PART，拆禮物......WOW......共有3大份之多，包括兩份自選的MELODY掛臂手袋及自製飾物套裝，仲有一份預早買定的MICKEY扭卡遊戲機，加上正日後補一份的文具套裝.......一句到尾，豐收。

但佢......居然......要求將全部嘢放在POOH HOUSE? 唔係啩.....咪玩啦......令女.......我唯有靜靜鷄掉咗佢D舊野......呵呵呵


小丸子：呠呠呠呠.........















HAPPY BIRTHDAY!

年度BB焦

一年一度秋季大旅行，今次棄西貢選白石，為的就係新鮮感! 既然約定，當然齊人啦，共9人之多。由於一部車得5個位，我同諾諾、BFC及心爸唯有自行前往目的地，港鐡==> 九港鐡路 ==>馬鐡 ==> 的士，兜兜轉轉前後個半鐘終於到達。

呢度出名燒乳豬及琵琶鴨，但由於乳豬要530大洋及要預先過數的關係，我地只訂了$138的琵琶鴨一隻....係訂，無得即場叫架。除此之外，仲要共買滿600元先可以免費SET爐，於是乎，第一ROUND買咗6百幾蚊。嘩，原來燒鴨都唔簡單架，除掛在架上轉轉轉外，仲要拎住又上又落咁燒，身水身汗架，呢壇由舅父負責。我地當然腸呀、翼呀、丸呀咁燒啦。但真奇怪，每次燒完放在吉碟上，轉頭又唔見咗的，O TELL ME WHY??????

除咗燒，餘興節目仲有放風箏同打GOLF，但只限舅父仔、兩美人、心媽同DAI B，其餘人等，DAI B爸媽、心爸同BFC就坐在爐邊燒燒燒、食食食。首先由舅父率兩美人去放風箏，放吓放，放到最高，盡晒線添呀。放就爽囉，收就鳥獸散，得番我同BFC收，整咗成20分鐘呀陰鬼功，手都軟埋。

到咗打GOLF，心媽話一世人可能都只玩一次半次，點都要一試喎。就响教打GOLF時，心媽同舅父就展開咗佢地25年嚟的破冰行動，捉手搭膊呀.....WOW!!!!!! 就因為心媽趷籮趷得太投入，姿勢太優美，SO.....扭親條大陣呢....O.....叫咗你小心D架啦....HAHA.....

7:30....走人....皆因DAI B媽要趕回家睇劇集ENDING呢! 但我未食飽喎.....耶....

好在，仲有一個同心爸慶生辰的"CHOCOLATE CAKE"....我居然添雪糕呀....奇景呀....實在太餓啦....連杯面湯都唔放過呀....正!

一年一度剪髮篇

又係一年一度的剪髮篇。

今次長度有別，唔似TWINS啦啩……

中秋佳節

月到中秋份外明，先祝所有人中秋節快樂，團團圓圓!

講到中秋節目，離不開賞月食月餅。今年節目分2 PARTS，首先係星期五的CLUB HOUSE中秋晚會，仲帶埋兩位美人一齊去玩呢(其實無咩野玩，幾悶吓)! 至重要的抽獎一環，又係無份，個機頂盒比人拎咗!

到正日，同家人飯飯後，近近地去附近公園賞月。嘩，都勁人多喎，終於搵到一個LONE坐下，跟住玩吓犀利光、瑩光棒，食吓月餅零食，再加上玩埋蠟燭，高高興興返屋企!

海浪公園

上星期六，去咗海浪公園。今次共有8名團員，DAI B爸媽、心氏一家及DAI B+BFC。是日天文台發出酷熱天氣警告，亦是歷年最熱的迎月日，名乎其實的"慶過火屎"。

行程都係咁上下啦，睇PANDA、兒童王國、坐吊車、海洋劇場、中華鐞館、沙魚館....咁上下啦。由於團員眾多，有老有嫩，步行速度自然慢得緊要，所以走時都成5點咯。

事後，DAI B爸媽先行回家梳洗休息，餘下6名團圓就貢咗上DAI B的辦事處。嘩! 搗亂怪客呀.....

1. 心媽居然唔知自己開咗包百力滋，一路行一路FING，一地都係....好在我精靈，唔係實比阿姐發現啫....HAHAHA.....

2. 正當兩美人响5000尺地方玩緊"伏哩哩"的時侯，突然大叫："呢度有隻死曱由"呀! 仲猛叫我入去睇。EVEN死咗，我都好鬼驚架嘛，咪老點BFC入去囉。OH NO.....BFC居然大叫係未死的! ???? 於是拿拿林攞支千年未用過的殺蟲水入去狂噴佢囉.....明明上嚟HAR吓之嘛....點解會變咗捉曱由架? 仲要响我隔離間房，好有陰影呀!

3. 心媽將罐飲剩的COFFEE放在櫃頂，臨走時又唔記得掉咗佢，O....小強呀!

開學了 - 諾諾篇

9月1日，諾諾也開學，依然係幼稚園，K3了，但橫睇掂睇前睇後睇左睇右睇都唔似一個大姐姐囉(在學校中)....baby face得佢呀!

夜晚返屋企，佢分別同心爸及心媽講了同一番說話：
諾諾：媽媽呀，今日我"鬧老師"呀!
(諾諾當時並不是認真坐著講的，係un un皮皮在床上跳吓跳吓)
心媽：吓?(心諗唔係啩，鬧老師咁激?)你鬧老師定老師鬧你呀?
諾諾：係老師鬧我...(噓)
心媽(倒抽一口涼氣)：係呀? 點解呀?
諾諾：因為佢話我打鐘時無收番埋d玩具囉.....
(喂諾諾，明明係你唔收玩具，你錯喎，仲告狀?)
心媽(無佢咁好氣)：咁你下次記住收啦...
(一開學比老師丙，畢業時想上台都難咯，心媽你叠埋心水陪我地排隊算把啦...HAHAHA)

到噚日，9月2日，佢一入課室，同老師say個good morning...正確嚟講係大大個老師企响路中心，佢迫住講good morning咋.....又唔順手交埋張通告喎，咁老師見佢直行直過返埋位，咪問佢交咗通告未囉，佢方如夢初醒咁摷書包，仲要老師幫佢托住個書包比佢摷呢! 唉...再一次橫睇掂睇前睇後睇左睇右睇都唔似一個K3學生呢!

開學了 - 心心篇

9月1日，心心展開佢人生中新一頁--升小學。

一大清早，起身梳洗，精神爽利，準時7:30落到樓下等校車。校車到，同心媽say聲bye後，正式第一日自己返學了。

據心心憶述，所有小一生都掛上名牌，落車時即有風紀姐姐拖住佢的小手帶佢返課室。如是者，到差不多放學時(是日佢放早，11:00放學)，老師突然同佢講：XX心，你無訂飯盒喎，你聽日記住叫媽媽幫你預備午飯啦喎! 心心大胆地同老師講：唔係喎，媽媽幫我訂咗飯架喎! 老師卻說：但名單上無你個名喎......

校車到達樓下，心媽接放學。心心即時眼有淚光：
心心：媽媽，你有無幫我訂飯呀?
心媽：有呀，上次咪訂咗囉。
心心(眼淚在眼框中滾動)：但老師話我無訂飯，聽日要自己帶飯呢!
心媽：係呀...唔緊要啦...我問清楚老師先啦。
(實質心媽當時心諗有無搞錯呀，XYZ....實要打去學校討回公道)

好嘞，當晚返屋企拿拿臨搵返張收據，準備聽日同學校對質。殊不知，噚朝8點幾學校打來，不停say sorry，話供應商搞錯咗，心心今日會有飯食的。咁算啦，開學可能一時混亂啫，最唔好係嚇親小朋友，等小朋友以為自己做錯野啫，第一日返學有陰影架嘛。典知12點幾學校又打來，咩事呢? 原來又係say sorry，同埋再一次強調已"責怪"(真係用呢個term喎)咗供應商。哈哈....咁一時搞錯啫...搞返掂OK啦...

但噚晚心心同心媽講，d飯好難食，佢只哽了一半，早知食番心媽一早預備比佢的魚旦燒賣好過!

一號波下的"攞嚟生肉形"

好早已講定，上星期四，要扶老携幼去一次攞嚟生肉形。典知...人算不如天算...星期三突然走出隻"英母"來...唔係啩...咁掃興!

星期三，一號波，但天雲台話明天日間天晴，但傍晚時份開始有狂風大雨。見隻野仲未嚟到，星期四望望個天，OK喎，有太陽喎，照去，至多早去早回。

星期四，7點起身(返工都無咁早)，同BFC去搵位飲早茶(十年唔逢一潤)。怱怱食完，出發。今次團員包括DAI B媽、DAI B爸、心媽、心心、諾諾 & DAI B我...名乎其實的兩美女扶老携幼呢(有點攞嚟搞，哈)。9點多出發，到爛車站差不多11點，連埋買飛，11:30上到爛車。可能因為打風的關係，人不多喎，排咗5分鐘左右有爛車。可惜跟住有幾團人湧緊嚟，個職員唔比我地6人一車，硬要塞兩個英文人上嚟!

緊張咗25分鐘(淨係DAI B媽咋喎)，到咗攞嚟市集。一如所料，茅咩人。咋咋臨行去大佛(怕打風無爛車返DON'T沖，要搭巴士就弊家NAIL)，經過一條長長的樓梯(心媽無上，搵咗一個好好的借口就係幫我地看財物)，終於到咗大佛腳下。由於時間關係，快快手影幾張相落番去咯。就响呢個時間，一陣失暈雨從天而降，好大粒吓架...DAI B媽同心心選擇急急腳行番落去，我、DAI B爸及諾諾怕雨越行越大(實情係怕諾諾行得摩)，選擇搵個地方避一陣。果然係失暈雨呀吓，轉眼就停咗。我地亦順利JOIN番佢地。

跟住，去咗食冰凍的山水豆腐花及魚旦燒賣。THEN，就趕去搭番爛車落DON'T沖咯。呢次爽呀，茅咩人搭，我地6個人包廂自己坐。就响呢個時侯，激氣事就發生啦...話說每一程都有個電子相機幫我地影相...跟住乘客可到CS DEPT買相。難得自己人一架車，咪擺晒POSE影囉...呢時，心媽話：果度呀，鏡頭獅子果度呀...個個答：睇到睇到...我無答喎...因為我坐個位响則邊，影响視線...心媽企我後面，佢見我個視線錯咗都唔提我呀...掛住自己擺POSE...結果，個個都望住鏡頭笑晒，唯獨我無(但依然笑得好燦爛呀吓)...激氣呀!

就咁結束咗我地的爛車之旅......

可愛教主

請睇真d...我地只係品味相似...衣著雷同啫...真的唔係孖生架!

一個大衣櫃

心氏家庭因為心心升小學的關係，要整張書枱過佢.....我又突然seafood痕， new起條筋整吓間書房，oh....呢一痕盛惠皮幾野.....百物真的騰貴呢!

我地將以前張單人床拆咗，整咗一個7x2'+8'高的大衣櫃(可以去shopping咯)。除此之外，當然要好好咁安頓我DAI B的好友們...POOH POOH(s).....啦.....於是又整咗一個2x2'+3'高的玻璃櫃，再加上一個1x5'的吊櫃去安置佢地。雖則有小小似迫巴士咁，但總好過暴露於空氣之中風塵呀!

都唔明白，一間房點解可以有咁多野...堆滿一屋...

心心畢業禮~~精華

星期六(19/7)係心心學校的聯校畢業禮，2間幼稚園一齊搞，真係大陣像。當日出席的有心氏爹媽、諾諾、公公、婆婆、舅父、我及BFC。由於無劃位，先到先揀位，7:45開SHOW我地唯有6:45去排隊，都排成第十幾二十咋，好在最後都霸到樓上雅座第二行靚位...HAHA....

坐樓下係睇得近D大D，但坐樓上都有好處，睇得闊D睇晒成個台(阿Q中)。心心因為要拎獎，坐小朋友席第3排，心氏爹媽因為要陪心心拎獎，坐家長席第7排，話咩睇得好清楚+可以同台上表演的心心對望喎.....唓......

當日的盛況，去片......


家姐個獎即係我個獎，我個獎即係我自己個獎......

心心畢業禮~~序幕

今日心心學校舉行小型頒獎禮，心心雖然只係坐上客(遲D先有份)，但都有參予，因為可以著畢業袍影吓相。

今年採取個個小朋友有獎分的制度，以免家長爭拗投訴。獎項名目極多，包括有學習獎、創意獎、進步獎、服務獎，禮貌獎，以及幾奇特的科學研究獎、和平獎、邏輯思維獎、塗工獎、專注獎、活力獎等等.....包羅萬有，各式其式，一應俱全，務求人人有份，永不落空，皆大歡喜。