心心語錄 (八)

話說心心的書包非常(真的係非常)之重，簡直可以用大石嚟形容。於是，心媽ADVICE佢返到課室後，拿拿臨好放低呢個負担。點知，作為"班長"的心心居然答：

心媽：你一返到課室好即刻放低個書包啦，咁重!
心心：唔得架，我一入課室要鬧人架!
心媽：吓? 點解你要鬧人呀?
心心：係呀，呀XXX又周圍SIR嚟SIR去，呀XXX又走去同人地傾偈，我要鬧人架!
心媽：未上堂唔可以傾偈架咩?
心心：得......但唔可以大聲同唔可以離開座位囉。(咁傾嚟傾去咪得隔離個同學?!?!?!)

心心語錄 (七)

(心心的志願)

心心：媽媽，我大個想做博士。
心媽：咩博士呀? 唔係IQ博士呀嘛?
心心：我要設計一把遮，可以遙控的，落雨時可以飛上天唔洗用手拎住。
DAI B：我又要一把喎。
心心：你要預訂架喎!
DAI B：你送把比我得唔得呀? 你設計架嘛.............
心心：咁好啦，但你到時要話我知要咩色喎!

心心語錄 (六)

噚日，食完晏問心心想去邊度玩，佢諗都唔諗就話：

不如早幾日去台灣啦!

小朋友真係天真同傻，搭飛機唔係搭車呀，買咗果日票就只可以果日飛嘛，唔係想早D就早D架嘛。

心心語錄 (五)

心心姐早輪無啦啦話唔想再跳BALLET喎....無得解架....又係少女心事啩!

好嘞....噚日....再問一次，心心姐居然話又想繼續跳喎....對答如下：

心媽：心心呀...你係咪想考完試後唔再跳舞呀?
心心(微笑)：唔係呀!
心媽：吓? 你之前又話唔想跳既?
心心：後嚟爸爸同我傾完，我又想跳番咯。
心媽：爸爸同你傾過咩? 之前我夠同你傾過咯，你又話唔跳既?
心心(諗都唔諗)：因為你同我傾得無內容囉!
心媽：??????????????
(我同BFC就响後面煽風點火：即係話你無內涵呀，無POINT呀，無見地呀......)

心媽內心嬲爆，奈何心心姐懵然不知! 呵呵

心心語錄 (四)

星期日，心心姐同BFC一齊去搵位食飯。

心心：姨丈呀，點解你要同姨姨結婚既?
BFC：EM..............
心心：咁係咪你要同姨姨一齊住呀?
BFC：哦................
心心：咁點解舅父唔結婚既?
BFC：吓................

小朋友的問題真難答呀!

心心語錄 (三)

星期日，响尖咀鐘樓前，心心姐拎住部DC做拍友：

心心：爸爸，影張相呀!
心爸：好呀。
(隨即擺晒po，V晒手，依晒牙)
心心：預備，一、二...
(兩秒後)
心心：咦，好黑喎!唔影啦!
(跟住淡淡然行咗去，頭都唔回一下)
心爸(on居居)：吓?!?!?!

心心姐你真認真架啫，一絲不苟，但都顧吓人感受嘛!擺咗po求其都影張呀!HAHA

心心語錄 (二)

2007年8月15日

心心對心媽說：姨丈，就係姨姨個"老婆"!!

心心語錄 (一)

2007年8月5日

心心：姨姨，你係家姐定妹妹呀?
我答：你話呢？
心心：你係妹妹囉!
我答：咁咪係囉!
(沉思一陣)
心心：唔係喎，但係媽媽都係妹妹喎!
我答：點解呀?
心心：因為媽媽矮D囉!!!

HAHHAHAHAAAAA