新玩具

貪新忘舊的我又嚟新玩意，之咪係新出的"山羊獅子狗"囉! 唔明? 請參閱今期"E鬆" 。

呢部新機其實係DC+DV，質素其實巧一般，尤其DV果PART實在比不上我家陣用緊部"山猩"的，但勝在外型靚，細細部，粉孔色，CUTE爆，過合手仔細細又貪靚的我。

又想買新玩具又唔想感覺敗家，典算? 咪唯有賣咗D唔用既野去囉。今趟揀咗"山猩"DV一部同洋酒4大支，截至目前為止，DV已賣，總算幫補番一半，SO GOOD!

"白色恐佈"完結篇

上回提及的公司地震，終告一段落。出乎意料地，HK OFFICE原封不動，一個也不能小。呢個結果，合乎晒公司"半年一小震，一年一大震"的常規。"當震變成習慣"的時侯，原來又無咩咁大不了，平常心算把啦!

光頭佬無出現，代表一切如常，亦令一批口口聲聲想食"肥鷄"的同事們由沉默的羔羊變成開籠雀。又一口不對心的好例子。

REGULAR "白色恐佈"

公司又地震啦!

半年前，已震了一次，出乎意料地，當時只震走咗一個冗員；半年後的今日，又嚟料啦。

上個WEEK，CEO出咗個E貓，全球將裁200人，US OFFICE先公佈，其他地方8/4後先知。200人喎，都咪話唔人人自危。個個把口都話想ON THE LIST，但實情個個都騰，皆因大部份仔細老婆嫩，出面好難搵番份人工高福利好的工。呢兩日個個唔出聲又無野做，就知佢地係幾咁愁呢!

跟住又有流言話會CLOSE成個HK OFFICE，但又有人話唔會，點細都會KEEP住，因為成個APAC得番HK一個OFFICE，連HK都無埋就即係CLOSE咗亞洲個MARKET啦! 好嘞，今日最新傳言，將CUT咗公司兩個TEAM其中一個，方便第日賣盤喎。無論點都好，今個WEEK內應該有RESULT，只要"光頭佬"一嚟，就自有分曉。

成日地震，都咪話唔煩!

繼續寵愛LESLIE

昨晚去咗欣賞一個懷念CONCERT，係悼念"哥哥"LESLIE的音樂會，叫"繼續寵愛"，個名已經好WARM。

整晚好多歌手重唱哥哥的經典金曲，包括有涼茶偉、書友、老鼠安、至冧、炸猛等等(請自己睇報紙)。因為一個緊接一個的關係，所以都沒有冷場，氣氛好熱鬧。個人最為欣賞至冧同炸猛的演出，前者唱得好似哥哥，後者總算沒失禮阿姐。

入場前，主要被眾星吸引，無咩特別期望或感覺；但一路睇，一路感觸良多。尤其當陳跌零唱阿姐緣份時唱到變晒音，企圖表現唱功，銀耳到極點，先至發現，阿姐的唱功，自然不造作，雖則未必是"零暇庛"(音樂係無完美的)，但悅耳耐聽，不賣弄，不曲高和寡，絕對無人能及。我只响暑諗，若然有人都為阿姐搞呢類記念CONCERT，有咁多FANS及NON-FANS一齊紀念阿姐，唱阿姐的歌，為阿姐歡呼，係一件多美好的事呢! 只是，阿姐欠缺這一個經理人.....................

時間真的過得好快，5年了，咁就5年了，哥哥5年了，阿姐亦快5年了。我一路睇，除了掛住阿姐，仲有哥哥、籮記、肥姐.........你們好嗎?

祝大家"身體健康"

近期身邊好多人病了，包括自己!

我DAI B响呢暑祝大家：
身體健康
無病無痛
精神爽利
身心愉快
精靈活潑
做個快樂老實人

~~恭喜恭喜~~

Miss You Always!

4年了，不經不覺4年了，說真的，到而家，仍未能相信您已離去的事實.....更何況是4年前? 若果沒有4年前的12月30日，你話多好呢?

噚日晚會一開始，係悼念一分鐘，我同您講咗好多嘢，您聽到嗎?多謝您送給我的一切，更多謝您為我指引應行的路!

我不會忘記您!一定不會! 祝你一切安好!

談"朋友"

最佳損友 陳奕迅

朋友　我當你一秒朋友 朋友　我當你一世朋友
奇怪　過去再不堪回首 懷緬　時時其實還有

朋友　你試過將我營救 朋友　你試過把我批鬥
無法　再與你交心聯手 畢竟　難得　有過最佳損友

從前共你　促膝把酒　傾通宵都不夠 我有痛快過　你有沒有
很多東西今生只可給你　保守至到永久 別人如何明白透
實實在在　踏入過我宇宙 即使相處到　有個裂口
命運決定了　以後再沒法聚頭 但說過去　卻那樣厚

問我有沒有　確實也沒有 一直躲避的藉口　非甚麼大仇
為何舊知己　在最後　變不到老友 不知你是我敵友　已沒法望透
被推著走　跟著生活流　來年陌生的 是昨日最親的某某

生死之交當天不知罕有 到你變節了　至覺未夠
多想一天　彼此都不追究 相邀再次喝酒待　葡萄成熟透
但是命運入面　每個邂逅一起走到了　某個路口
是敵與是友　各自也沒有自由 位置變了　各有隊友

早知解散後　各自有　際遇作導遊 奇就奇在　接受了　各自有路走
卻沒人像你　讓我　眼淚背著流 嚴重似情侶　講分手

有沒有　確實也沒有 一直躲避的藉口　非甚麼大仇 為何舊知己　在最後　變不到老友
不知你又有沒有　掛念這舊友 或者自己　早就想通透
來年陌生的　是昨日　最親的某某 總好於　那日我　沒有　沒有　遇過　某某
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呢首歌，兩年前，我送過比一位好姐妹，原因係大家為一個無聊人令友情淡化了一段時間，而家已事過境遷，友情絕對受得起考驗。今日，只想談談"友情"。

朋友，响我心目中，並不是要日日落PUB食飯見面先叫CLOSE，相反，响香港地呢個大家都忙的社會，能夠响真正有空閑時抽空一聚，可能一年只三數次，但絕不介意、心照不宣、絕對體諒的，先稱得上"知心好友"。平日，靠電話或IM或SMS通信已非常足夠了，真正的關心不在於見面次數，係在於"上心"。

好似我，有家庭，雖未有小朋友，但亦要照顧自己的FAMILY，甚至乎雙方的FAMILY，時間運用上當然不能與未婚時的自由度相比。人有唔同的階段，為了自己辛苦建立的FAMILY，放棄部份的友情在所難免。咁唔代表有家庭無朋友，只係大家能出嚟見面的時間相對減少，但對朋友的關心就如我上面所講："上心"已足夠。作為朋友，應當尊重及體諒別人的生活模式，而不是去怪責及批判，更不應用自己心目中果把尺去量度人地的做法。

人與人相處很微妙，朋友係啦，情侶/夫婦更加是。一對夫婦點相處，所謂邊個有話事權，佢地自己先知，無需向別人解釋或交代，更無需得到別人的認同。凡事只睇表面，跟住加插自己的諗法及意見，再加以評論人家相處方式的對與錯，等同干預人地的家事，作為朋友，正確嗎? 我認為只會令友情降溫及貶值。就算一對夫婦真的一個話事一個跟從，又如何，關其他人咩事，有問題咩，值與不值要別人去評價咩? "覺得"自己唔會做的事情，別人做了，唔代表唔妥/唔值得。 覺得自己朋友被另一半搶走咗，同好多奶奶覺得個仔比新抱搶走一樣心態，但朋友同媽媽，又係兩個層次，不能相提並論，奶奶介意可以理解，朋友就變成不可理喻!

仲有喎，作為朋友，又唔係瞓响人地床下底，單憑見面時短短數小時眼看的景像去"想像"出一對COUPLE的相處方式，實在太膚淺了。如大契所言：耳聽三分假，眼看未為真呀!

總之，朋友係從心底關心/祝福對方的，而不是同屋村師奶一樣去八卦人地的家事，跟住用自己的價值觀去批判，再跟住走到其他街坊面前說三道四，人地家事，關你咩野事?

PS. 若一個人肯為另一個人改變自己，個改變是好的，例如戒煙戒酒、少出夜街，令身體健康，絕對值得.....呢點我肯定!

抒發完，THANK YOU各位細閱。HAHAHA

PERSONAL ASSISTANT? NO WAY......

上回提及"騎呢怪"同"吳芍HOPE"....今回再續....

話說"吳芍HOPE"係UNDER"騎呢怪"既，佢今個MONDAY履新，"騎呢怪"自不然要現身同佢訓話兼點佢做野啦!

MONDAY時，"騎呢怪"突然同我講：CAN WE HAVE A CHAT? 無問題!佢一嚟問我，你舊老細走，你會唔會繼續留响公司呀? 我答佢當然留啦，WHY NOT? 我點解要走呀，廢話。

跟住，佢話佢响袋鼠國有一個PA跟佢，問我可唔可以幫佢做PA喎? 我二話不說兼面無表情答佢："唔可以喎"......都傻既，你PAID幾多比我呀，我嚟做ADMIN，唔係PA呀，若我要做PA，就唔係呢個人工! 跟住我咪同佢講：我要搞晒WHOLE OFFICE的ADMIN，驚無咁多時間幫到佢，加上我又無做PA的經驗，未必幫到佢喎......佢就話，其實佢都想响度請個人，我咪話：若公司有BUDGET，我覺得你最好自己請個人囉! (公司有BUDGET先算啦)...

要我做多另一份JOB，除非你比到我而家份人工+PA的市價我，見响度做開，打個9折比你，咁我咪無問題囉! 要咁多人幫你手，咪坐返袋鼠國囉，大大個人等你洗!

跟住仲好笑，個人都未坐嚟，生霸死霸，要即刻將我舊老細個NAME TAG(其實佢仲响呢間公司，只係唔再返嚟HK啫)拆落嚟，換佢個名喎，但實質佢又未正式過嚟坐，最快都1月。跟住又話要PRINTER又話要個大的EXTERNAL MON，我咪叫佢搵IT哥哥囉。果時剛係食晏時間，佢猛問IT哥哥去咗邊喎，問完又問，答完再答，都話GO FOR LUNCH咯，你唔食啫，人家要食架嘛，好似話人地吞POP咁，真頂佢唔順呀!

大功告成

呢期無聊，重拾我昔日至愛的智力運動--砌PUZZLE!

本應想買2000 PCS，但奈何我鐘情的一幅迪迪仔只得1000無2000，唯有張就一下，砌住佢先啦!

用咗8晚時間，終於完成我的傑作(我無比BFC幫手架)，正! 成日覺得，PUZZLE好有美感，一塊一塊連住的線條好靚，同普通一幅畫好唔同，SEE~

Ron VS Bosco ==> Moses?

呢個heading，係咪巧勁先? WOW~~WOW~~

我唔係吹水架，事實上吳唱K同黃LONE澤確實入侵咗我公司!

話說有個新同事，TITLE巧勁架，叫REGIONAL SALES DIRECTOR (實質被隻騎呢怪點做阿四)，原本下星期先上工，噚日打比我，叫我幫佢印定卡片喎(都未有單印定把鬼麼，真係大支野)。好，印咪印囉，咁我OF COZ要問佢攞番D INFO先得架，例如中文名，手提號碼等等。我問佢中文名叫咩，佢即答我："吳唱K(真名)"...吓? 吳唱K? OH.....原來係"吳芍X(HOPE中文的第一個字)"....真係嚇得我!

大家有所不知，坐响我後面條友中文名叫"黃LONE澤"，今勻整多件"吳唱K"，真係頂得住"慢D蒸鷄賀台慶"呀!

唔知幾時，公司會請埋我今期欣賞的"陳勞"呢可?

SAD

公司繼6月大地震後，表面風平泿靜，實則風雨欲來。星期一，老細突然話聽日請成TEAM人食晏(一個極度孤寒的人突然請食飯，心知不妙)，果然一如我神算子所料，係.....佢唔撈啦!

呢個老細，人係孤寒咗小小(係節儉啫)，但份人確實唔錯，又NICE，又無架子，又無要求，最重要佢好自助，根本唔洗點幫佢做野。D做得耐的同事話，佢無脾氣，若然佢有一日鬧人，被鬧的人都好有問題呢! 所以，一直以嚟，都無咩壓力，做得幾開心。

佢走嘞，無法啦，至大問題係嚟隻澳洲騎呢怪嘛。呢條友，上個月第一次嚟我地OFFICE，已經阿支阿DRAW，又老點呢個，又QUESTION果個，當自己皇上出巡一樣。一句到尾，呢個人自負、大支野，一嚟到就話佢要坐海景房，但又唔夠大放張CONFERENCE TABLE，要拆埋隔離房打通佢喎! 我地公司總共有3大個CONFERENCE ROOM，要開大MEETING隨時有房，洗唔洗放張CONFERENCE TABLE入房咁巴閉呀? 理得佢呀，佢咪自己同FACILITY申請BUDGET囉，申請到咪拆囉!

舊老細都講明，呢條騎呢怪嚟到，會令好多人唔開心。

早兩日，老細PACK好晒佢自己D野，叫我SEND番北京，跟手連ROOM KEY同TOILET KEY都RETURN比我，佢話可能12月佢走前會再番嚟，又可能唔番，所以比定我喎!

見佢執野，收佢鎖匙，望住佢離開的背影，都幾唏噓!唉.................

PS:有時風水既野你都咪話唔信，話說老細房有棵花，開完又謝謝完又開，足足5年。自從佢9月話調上北京後，開始唔出花，呢排，直頭枯黃添呀，轉頭佢就話唔DO嘞，邪爆!

Shake Shake

Dai B又嚟新玩具....登登登登....shake shake手機 SE W5發0i 一部。

何謂shake shake? 咪新係shake一下會自動跳落下首歌囉，只可以下一首架咋，無得返上一首架。BFC仲以為向上fing就上一首，向下fing就下一首，奈何科技未研發到，傻仔嚟既~~

唔知典解，我係SE的粉絲! d features大致都差不多，都OK易用。

原本我都對 W5發i 紫色有興趣的，但某某人又捷足先登，為防比人話我跟佢，好，我買部新過你既，哼! >_< 研究呢件玩具係我今日的主要娛樂，咪阻我! (舊的一部Pooh Pooh機已轉贈貓哥，等佢可以同豬姐傾吓心事嘛....hahhahahaa)

色·戒

導演: 李安
主演: 梁朝偉, 湯唯
片種: 劇情
級別: III
日期: 2007-09-25

一九三八年，中國正值多事之秋。一群愛國青年在香港組成話劇團，為國家募款抗戰。劇團團長鄺裕民(王力宏飾)對汪精衛等一眾漢奸極為憤恨，當他得知汪手下的一個特務頭目易先生(梁朝偉飾)身在香港，決定夥同團員，展開暗殺行動。

易先生機警精明，等閒之輩難以接近，唯一缺點是好女色；團員決定以美人計對付易先生：由劇團台柱王佳芝(湯唯飾)假扮香港貴婦，先與易太太混熟，繼而藉機色誘易先生，從中製造暗殺機會。

團員認為王佳芝缺乏男女經驗，有礙色誘行動，王佳芝不惜犧牲自己，與劇團中唯一有男女經驗的團員梁潤生發生關係。此舉不但斷送她和鄺裕民之間的一份幽微感情，更意想不到的是，易先生突然接獲任命，須撤離香港，暗殺行動遂宣告失敗。

兩年後，香港淪陷，王佳芝遷往上海，重遇鄺裕民，可惜往日的微妙感覺已蕩然無存。鄺裕民重提暗殺易先生的行動，王佳芝黯然答允。這次王佳芝與易先生的私情火速地發展起來……

==============================================

Dai B睇III級片居然無人查身份證，谷鬼氣!

講番套戲，2個半鐘，21:55開場，都驚驚地瞓著架。EM....李安出品，質素有一定保證， 悶極有個譜。若你好喜歡"涼茶偉"，應該有小小失望，因為套戲將焦點放在女主腳湯唯身上，涼茶的戲份雖重，係男主腳，但出鏡的時間不多，只有一半左右。

OF COZ...涼茶攞過影帝，演技唔需懷疑，佢的眼神，真係勝過千言萬語。女主腳呢，新人嚟，香港人並不熟悉，但唔打緊喎，佢的演技一D都唔浮跨，表情變化不大，但作為觀眾卻好明白佢內心的感覺及對涼茶又愛又恨的掙扎，GOOD!! 最後一幕佢受涼茶感動通知佢閃人，等佢唔洗被暗殺，有情有義，賺人熱淚!

唯一挑剔既係，點解搵個咁老的做涼茶老婆，似佢阿媽多D! -.-

內部維修續集

HIHI~~又係內部維修專題啦!!

話說上次睇的中醫，只開2PM-8:30PM，咁我放工去睇完等埋煲藥都9點幾啦，飲脹個胃瞓覺都似唔多好。

响同事介紹下，原來公司附近有一個名醫喎，係什麼香港中醫協會會長....嘩，會長喎.....勁呀.....至緊要近我公司，方便我呑POP閃去睇嘛，又可以唔洗煲藥，攞藥粉，方便得多!!!

EM....內容同上次都差不多啦，又係話我脾虛血弱咁囉....

咁我問佢有咩唔好食，佢話凍野囉，我問"咁生果呢"，佢話OK既，但最好攤到室溫先食囉....OKOK，無問題，咁我今個中秋可以食的生果就豐富得多囉!!

咁我又問我應該食多D咩好呀?佢答得真妙：我D藥囉!!

吹脹~~~~~~~~~~~~~~

內部維修

噚晚Dai B去睇中醫，點解? 理由好簡單，因為公司張醫療咭每年有30次睇醫生(唔理中、西、跌打)，咁今年就嚟過啦嘛，仲有大把quota，唔睇咪好唔抵，把把脈調理吓身體都好嘛。

唔把尤自可，一把真窩可，醫師話我裡面要大執喎!???!! 佢話我心肝脾肺腎都弱，個胃仔好似放咗舊冰响度咁，血氣又唔夠，總之氣虛血弱起啦!! 嘩，真係比佢講到我都覺得自己好唔掂呀，陰功!!

至大問題係，呢樣又唔食得，果樣又唔食得。平日食開既野，例如豆腐，瓜類，維他奶，甚至海鮮同唔凍既生果都話唔得喎...汽水生野of course更加唔得啦....吓??咁食咩好呀? 佢話食多d魚喎...我唔好架喎...咁鷄啦，瘦肉啦咁喎....我又唔吃豬mug滯，咁咪即係淨食鷄???咁搞法，未調理好身體，我恐防先營養不良喎!!

至搞笑之後去食飯，望住個餐牌，好似無咩啱食。BFC見我一臉惆悵，就話：食咗先算啦，唓，你食咗唔好話比佢知咪得囉，咁醫好你身體係佢責任嚟架嘛，唔好理啦，鐘意食咩就叫啦!!....BFC搖身一變==> 魔鬼的化身.....HAHAHAHAHAA

Dai B失眠了!!

噚晚，我失眠呀.....陰功......

零晨3點3，起身去殊殊後，轉嚟轉去都瞓唔番著，整吓整吓，醒晒，眼仔碌碌，勁過飲咗豬肉湯。

我Dai B自細已有(壞)習慣，就係自己瞓唔著，都唔肯比人地瞓，一定要拍醒其他人，BFC....辛苦晒。HAHA

點解失眠? 唔知呀....只係腦裡面浮現好多兒時的片段，同埋小小心事咁囉。"屋o"

所以....家陣鈎魚ing......

八號風 == 早收工??? No Way!!!

Last friday (10/8)，晨早一號波，12:45三號，天文台預計3:30掛八號，點知突然2:30就嚟料，"帕布"哥同"蝴蝶"姐，玩咩??? 你估個個話放工放架咩?? 都要搞掂d手尾架!! 於是乎，個個都遲dd走，約3點，打工仔一窩蜂放工....真真弊傢伙....地鐡港島線幾乎癱瘓，仲慘過新年行花市，未入閘由自可，入咗閘第一段路鬆鬆地，咪高興住，落多一層，居然塞滿人，唔係有得慢慢向前行喎，係完全停晒果種。

越係無得郁，後面越堆越多人，冷氣又唔夠，d汗簡直好似打完場波咁呀!! 我開頭都堅持等，滯留咗5分鐘後，終於頂唔順頭暈暈，見有個"嬸嬸"迫番出去，咪二仔底死跟。行行行，迫迫迫，唔該唔該唔該.....終於成功逆線出番生天，呼吸一口久違的清新空氣!!

眼見有個媽媽手抱瞓著咗的歲幾B女，再拖一個4/5歲的囝囝，連手袋都要囝囝拎住，仲係迫响中間，陰功!!

最後，我決定同BFC去tea一tea，等到4點凌先坐叮叮落北角站直接近屋企.....嘩!! 3:15走，6:00正返到屋企，真係唔放早好過放啦!!睬!!!

又唔係第一次打八號風球，唔明點解地鐵會咁混亂???

模型展

噚日千里迢迢走咗去葵芳"har"，因為覺得葵涌廣場好鬼有羅湖商業城feel，d鋪細細間平平地，衫褲鞋襪零食玩具精品以至電腦products，一應俱全，於是咪去捐吓lone捐吓la，睇吓執唔執到荀野囉。

唔.....野就無咩點買啦，都係一個CD套同小小零食咁啦.....反而我地途經新都會廣場時，見到一個模型展，好得意，d展品樣樣都係迷你版，e.g.廚房，厠所，客廳，茶樓、點心...等等，嘩，樣樣都做到好鬼似，真係佩服製造者咁鬼有心機，手指咁鬼靈活呢!!





一個大約12 x 16寸的箱

DAI B ==> FAT B ??!??!

唉吔吔....我DAI B呢排肥晒呀!! 真真弊傢伙!!

梗係啦...成日食零食....又薯片、又美味米、又花生、又百力滋、又朱古力、甚至乎勁辣魷魚、魚柳等等等等.....總之屋企果3個零食櫃就常滿起啦.....一日都係BFC衰，又唔阻止人地!!!野!!!

以前覺得鬆身要落BELT的褲，而家居然啱啱好....唔係，係有小小迫爆添呀!! 該煨咯.....雖則我話過想肥番小小，係小小，真係小小咁多果隻嘛，點不知呢期肥咗成5、6磅呀!!慘 x N!!

唔得，我要廋身，我要減肥~~

首先食小D零食(@.@)....再嚟勤力運動(>_<)....有得行唔好企，有得企唔好坐.....之類，誓要趕走"拜拜手"、"豬腩肉"及"豪華團"!!

公司大地震 ==> team gathering lunch

由last week起，已聽聞公司將會大地震....就係lay-off嘞﹗連老闆都話星期一會有事發生，搞到人人自危，個個無晒mood唔出聲，就好似待宰割的肥美羔羊一樣，令本來已十足圖書館的office雪上加霜﹗

呀，點知星期一過後，星期三返到嚟，又OK無事喎，只係有一個鬼妹同事自己起身走人，同埋有一個被勸喻離職啫。聽番D"老鬼"講，呢度每半年一小震，兩年一大震，佢地都慣晒咯。咁又係，都係打份工啫，東家唔打打西家，平常心，況且BFC成日叫我唔好做養我，我真係會架!!

話說公司由盤古初開到家陣(其實都係年幾)，每個月都安排一餐team gathering lunch等同事聯誼一下，互相了解，但唔平架喎，廿零個人5/6千閑閑地。今日就食6月份果餐嘞，點知老闆話食埋今個月，因為cost control的關係，下個月開始cut咗呢個budget喎，都好呀，因為要我搞，又要我比住錢先，好鬼煩，cut咗煩小一樣，有SO~~heehee!!

既然最後一次，當然食豪D，食盡佢，我決定去吔"魚翅".....每人一排排夾到嚟食果隻﹗lunch有翅食，上等人呀......."long"定口先得!! YEAH!!!!!!!!! 若然有隻鮑魚据吓就perfect嘞!!