Christmas decoration@增高城

輪到我樓下的商場聖誕揭幕啦，仲請嚟阿"咋"添!?!?!?

今趟終於平民化得多，沒有中秋藝術奔月的曲高和寡，換嚟色彩繽紛的雪糕屋和動物卡通公仔，令人心曠神怡得多。由於太過色彩繽紛，太受小朋友歡迎，開幕未夠半日，所有公仔的腳已佈滿鞋印，真快。遲吓，應該會有象鼻斷埋的呢......

Christmas decoration@貪屎

"齊歡唱，同慶賀"......唔係唔係......唱錯唱錯......應該係......"又到聖誕~~又到聖誕~~"

每年XMAS都有得意的佈置，今年度度都好似早咗好多咁，我樓下大堂個幾星期前已有聖誕樹同佈置啦，真想撻個聖誕波波返屋企，哈哈。"貪屎"今年的佈置雖不算新穎，但勝到夠GRAND夠揼本，SEE!

秋天叔叔.....你好!

秋天到，天氣爽，我實在好喜歡呢排乾乾爽爽、又不太凍、20度咁上下的天氣。可惜呀...呢個咁正的天氣，通常只維持好短的時間，因為再轉涼就係冬天啦.....騰騰震......

搞笑的名字

張君......高婉琪......徐瑞富......徐錦富......吳敏思......黃小晶......鐘樂凱......吳曉煜......吳曉婷......朱定九......陸浩昌......張圖文......馬路......徐清......李志明......高玲......戴康偉......吳錦漢......周惠琴......

而家時勢唔好.....大家開心笑吓.....CHEERS

MTR slogan

呢期搭地鐵成日聽到呢幾句：

"年紀細，學姿勢，小心梯邊夾腳仔"

"搭到老，學到老，穩陣都係搭lift好"

係就係口語化咗小小，但都幾壓韻呀....大家記住啦喎!

距離北京奧運仲有365日

Adidas同2008北京奧運組委會响時代廣場合辦一連串的活動，都幾大型，幾巴閉!!
































Times Square 2/F Lobby

最近忙嗎??

我覺得呢篇文章好發人深省!!
==============================================
和許久不見或不太相熟的朋友見面，「最近忙嗎？」是常用的開場白。

無論閒得要死，還是忙得要死，我總是會答：「不算太忙。」

現代人，沒有誰是不忙的，在公在私，你想有多忙便有多忙。但標榜自己很忙，除了能給自己三秒鐘的心理舒緩外，從外交角度而言，好處全無。

在情人或丈夫而前，不要說自己很忙；你這麼忙，即使對方想與你悠閒地渡一個週末，或想安排甚麼浪漫好節目，都會立即打退堂鼓，等你忙完再說。

在老闆面前，不要說自己很忙；老闆看員工表現，並不在乎過程中忙與不忙，只想知道到最後結果好或不好。你不太忙但做得好，是有能者；你很忙但成績普通，老闆反而懷疑你的能力。

在家人面前，不要說自己很忙；家人永遠體諒包容你，讓位給你的愛情、朋友、事業和私人時間，你很忙，家人將不敢打擾你，連你最僅有的剩餘時間，都不再佔有。

在朋友面前，不要說自己很忙；很忙的人最終會失去朋友，因為朋友們都知道你沒有時間培育友情。

強調自己很忙，等於在自己的交際圈前設一堵牆，暗示人家沒事不要打擾你。而感情、工作和機會，很多時候都在「沒事時」突然出現，給很能幹但不愛「扮忙」的人遇上。

來源~作家:梁芷珊小姐

藝術展

噚晚返屋企食飯，爸爸突然問起Times Square係咪有畫展，我話好似有，但又未開始喎!!

咦，真係咁吸引咩??等我食飽飯，落去鬆一鬆先得....沾染小小藝術氣息都好嘛.....哦，原來今日先正式開幕，怪不得噚日仲有圍欄啦!!

well~~每幅的主題都唔難明，但藝術價值响邊暑呢，等我慢慢再諗吓先得!!


黃永玉藝術展

12/7-1/8/2007
10am-10pm
Times Square G/F & 2/F Lobby











"癢"







唔記得添







呢幅正....heehee








DAI B騎住BFC









都幾多人嚟"賞畫"架

香港流行歇後語

笑騎騎　－　放毒蛇(笑裡藏刀也。)
知少少　－　扮代表(貪功認叻。)
牙斬斬　－　死得慘(禍從口出。)
周身郁　－　扮忙碌(講多過做。)
眼濕濕　－　扮憂鬱(貓哭老鼠。)
嘴藐藐　－　打得少(撩是鬥非。)
靜雞雞　－　認低威(衰衰地認錯。)
有早知 一 無ｂｂ(早知唔要。)
擔凳仔 －　霸頭位(驚死執輸。)
好好好　－　睇唔到(敷衍了事。)
繞埋手　－　晨早走(練精學懶。)
搞搞振　－　冇幫襯(破壞份子。)
側側膊　－　唔多覺(得過且過。)
搏大霧　－　唔使做(混水摸魚。)
包二奶　－　實聽拉(香港人回大陸偷情十分危險。)
有姿勢　－　冇實際(虛有其表。)
手頭緊　－　搵真銀(勤力搵錢。)
淡淡定　－　有錢剩(處變不驚)
有得賭　－　精神好(爛賭之輩。)
三缺一　－　慘過乞(麻雀術語。)
時運高　－　搏番鋪(掌握時機。)
隨口up　－　當祕笈(語不驚人誓不休。)
面懵懵　－　當老馮(意謂奉旨。)
細細兜　－　容易媾(初出茅廬少女，容易被騙。)
女人心　－　海底針(女人善變。)
面撞面　－　好面善(似曾相識。)
頭岳岳 －　四圍度(無聊發悶。)
爛撻撻　－　唔負責(無恥之徒。)
冇晒計　－　發Long禮(不按常理做事，趕狗入窮巷也。)
頻頻撲　－　冇聯絡(貴人善忘。)
咁人齊　－　等發圍(同心協力。)
趁佢病　－　囉佢命(趕盡殺絕。)
出黎威 －　識搶咪(爭取機會。)
唔想衰　－　埋大堆(圍結就是力量。)
聽唔明　－　扮純情(裝模作樣。)
懶癡纏　－　博可憐(做戲咁做。)
印印腳　－　等人約(無所事事。)
人工高　－　冇祕撈(祕密地去做兼職也。)
唔夠班　－　執二攤(未夠斤兩。)
跟老頂　－　有得醒(老頂，大哥大之輩；醒，有好處是也。)
有Background　－　冇困難(人事背景也。)
密響Call　 －　冇甩拖(將勤補拙。)
唔夠皮　－　無面俾(唔夠錢用時，甚麼人也不賣帳。)
手頭緊　－　賣白粉(不擇手段，不理後果。)
唔用腦　－　等運到(批評那些靠好彩不靠辛勤努力之輩。)
癲癲地　－　唔識死(不知天高地厚。)
過大海　－　博好彩(香港人假期喜歡到澳門賭場搏殺。)
四圍酒　－　鬥疊友(指人強馬壯。)
出黎混 －　無責任(指吊兒郎噹，不負責任之人。)
賣大包　－　任人抄(不計較得失。)

笑話

從網上睇到一篇幾好笑的笑話，但背後的喻意又係咪真的呢？
~~~~~~~~~~~~~~~~~~~~~~~~~~~~~~~~~~~~~~~~~
結婚前 AND 結婚後

↓↓↓結婚前從上往下看↓↓↓

他：萬歲！終於到來了！我都等不及了！
她：我可以離開嗎？
他：不，你甚至想都別想！
她：你愛我嗎？
他：當然！
她：你會背叛我嗎？
他：不會，你怎麼會有這樣想法？
她：你會吻我嗎？
他：會的。
她：你會打我嗎？
他：無論如何都不。
她：我能相信你嗎？

↑↑↑結婚後從下往上看↑↑↑

擺脫貧窮，從養牛開始!

BFC話呢期好鬼鐘意呢張poster喎.....佢話好似佢細個個樣喎??咦...........

咁佢平時成日拖住我，我咪即係一隻牛?!?!?!

性工作者十日談

性工作者十日談(Whispers And Moans)

導演:邱禮濤
主演:朱茵, 余安安, 蔣雅文, 董敏莉, 吳曰言, 李逸朗, 鄧健泓, 陳葦庭
日期:2007-05-17

歡場姊妹花患難相扶持、鴨店男妓與易裝人妖相依戀、舞廳媽媽生遇上同志大丈夫情海翻波、北姑勤奮向上衣錦還鄉、女大學生鍥而不捨爭取娼權，還有一樓一鳳、企街等不同性工作者的遭遇拼湊而成故事，以十日的時間繪出夜總會行業的夕陽之歌。
這群性工作者，跟你與我一樣，會遇到工作不順意、感情挫折，有血有肉有理想，講專業、講尊嚴。可是，因為他們的工作涉及「性」，便不為世俗所接受，成為邊緣一族，再加上時代變遷的衝擊，這群性工作者應如何自處？
這齣電影將帶你進入性工作者的世界，以平實卻具戲劇性的手法，感動而不煽情的內容，跟你大談特談，論盡行內百態。

===================================

星期二，同BFC去咗睇三級片，就係呢套"怪工作者十日談"嘞! 呢套係香港電影節開幕電影嚟架，內容一d都唔三級，只係有粗口啫!

入場時，我Dai B拎定個身份證出嚟等職員查架啦嘛，點知唔問我喎，激氣!!哼!!

套戲OK好睇啦，同片名一樣，講性工作者的辛酸血淚咁囉! 反而d演員就做得幾放吓，尤其d平日扮斯文的所謂"玉女歌手"....好似叫蔣雅文, 董敏莉....同朱茵，d粗口真係幾鬼流利架喎! 最感動位係最後個男妓比個有錢婆的老公尋仇當街斬死，慘!!

"甘肅"省的兒童

呢張poster係我dai b呢期响MTR成日見到而又好鬼留意的廣告。

內容係講"甘肅"省的居民，正接受"聯合國兒童基金會"的捐助，協助當地婦女能生出健康的寶寶。相中的小朋友就係甘肅省的其中一個兒童。

唔知點解，我一見到呢個小朋友，就有份莫名的親切感，好似好面善，唔知响邊度見過咁。佢細細的眼睛、淒楚的眼神、紅紅的面蛋、無笑容的咀角、加上皺起的眼眉，今人好想我地幫佢。個咀仔旁邊仲痴住幾粒飯，真係想攞張紙巾出嚟幫佢抺一抺呀﹗

跟住望一望BFC.....heeheeheeeeeeee(溏心風暴中，大鮑細鮑的笑法)

有d人好可怕呀﹗

呢兩日的報紙，唔係徐步高的"狂"就是劉華fans的"痴"，一個人格分裂一個瘋顛迷戀，原來人性到了某個極端時真的可怕。尤其是劉華fans，佢自己瘋狂不特止，身邊人不單不阻止還多加縱容，簡直係火上加油，一觸即發。雖則我對劉華的印象一向麻麻，但呢件事上我都對佢致以深切的同情和慰問﹗

星期四了，下星期開始我就要獨自面對新工作了，沒有人可依賴，雖則有小小緊張，但經過一星期的專人特訓，信心大增，最重要係仲有聽日比我最後衝刺，狂問問題。我要不時提醒自己，做事最緊要淡定，正所有"淡淡定有錢淨"嘛，有難題時咪停一停諗一諗囉，我相信上天同阿姐一定保祐我的!