係時侯總結一下連日來的實況。
首先，星期六，大婚之前的一天，緊張就未feel到，得個忙字﹗一早起身，首先要落街買齊玩新郎的必需品，包括1.25L沙示、飲筒、香蕉、枱布(原本仲有朱古力花生醬，不過唔記得咗買)....呀，仲有血紅色唇膏......準備聽日比BFC同佢班智囊歎下﹗跟手又番屋企pack好我搬過新屋的最後一批物品，正式撒退﹗
晚飯後，其實好鬼眼瞓，但又要等上頭，唯有食M & M提提神﹗OH YEAH....終於等到11點，BFC先上頭，佢拿拿臨上完後，就輪到我.....上頭儀式由DAI B媽主持，"一梳梳到尾，二梳梳到白髮齊眉，三梳梳到兒孫滿地.....樣樣都好囉".....咁就搞掂，跟住我拎起把"子孫尺"同DAI B媽講：唔係要打吓架咩？...佢跟住居然大大力打落張枱度喎! AHAHAHA......唔係呀，金都果個人話拍我個頭仔架.....佢先話，係咩唔知喎.....跟住就輕輕打咗一吓，表示大個女咯﹗搞掂﹗
十二點幾，敷住塊MASK瞓覺覺﹗跟住心媽打嚟，話NOK仔又嘔嘔喎....我真的好擔心嘛....咪求個天囉....第二日，NOK仔果然好好多，又精靈又醒神，搽完油油後仲話自己無肚痛，因為靚靚喎，真頂癮.....THANKS上天﹗
~~~~~~~~~~~~~~~~~~~~~~~~~~~~~~~~~~~~~~~~~~~~~~
WELL~~5月6日，奇妙的一天正式開始﹗
我DAI B六點已起咗身，梳洗完，執好野，都未夠七鐘半，化粧師又未到，得閑到坐响度發吽痘﹗七點九，化粧師助手現身，幫我捲鬈鬈D頭髮先。八點三，化粧師終於從屯門趕到，無法啦....呀，點知佢又真係快而掂喎，半個鐘唔洗，化粧SET頭一TAKE過，但又一D都唔係"媽夫"架喎，出到嚟個個都驚為天人，"DAI B"好靚呀，但千期咪話我似"顧老闆"就得啦﹗
9點正，BFC同兄弟團大駕光臨，班姐妹團梗係要熱情招呼一番﹗BFC話一轉入走廊，見到地下鋪晒膠布，就知大鑊，一定係玩水同核突野。指定口號，"開門呀﹗快D開門呀﹗我地嚟接新娘架﹗.....我係聽到咁多，就要閂埋房門等人"接"啦﹗跟住的節目都係夜晚睇番片先知道，有野飲，有野食，有衫著咁囉....都幾優待佢地架....之後的"愛的宣言"，SORRY，其實我一句都聽唔到，因為當時我地好忙，掛住LEE响房裡面影相&整金器，不過....我第日睇片一定睇到的，放心啦，BFC，你唔會嘥氣的。
接完新娘，斟茶、去男家、回門....一切一切比我地預計中的快而早，所以返到女家後仲可以他條咁食D野同點清楚去酒店的東西。跟著，响酒店DUCK咗陣，換衫轉粧SET頭，就開始晚宴。小插曲係：BFC由於無戴襟花同扣禮服鏈的關係，居然比人當係CAPTAIN呼喝喎...HAHAHA....後嚟要認係我DAI B個老公先解到圍咋，都叫佢適當時侯要認親認戚架啦﹗
八時半，終於到咗最神聖同莊嚴的一刻~~由何廣榮律師舉行註冊典禮﹗我地MARCH IN前在出面準備，都好鬼緊張吓，心仔"噼卟噼卟"咁跳。播完絕密片段，進場啦.....登登登登....好開心兩個小花女心姐同諾哥咁生性，肯緩緩咁帶我地進場，尤其諾仔，淡定而面帶微笑，佢真的長大了。
宣完誓，簽過紙.....跟著祝酒、切(假)餅....跟住BFC致詞多謝我DAI B....正式有野食。中段時，最特別的一刻係我專登埋A小姐個位度(事前己夾定)，以一尺唔夠的距離拋個花球比佢，因為我真的好想佢快D嫁得出嘛~~HAHA~~F先生又好，E先生又好，甚至緋聞男都好，總之至緊要幸福。由於時間既關係，約10點半已食到美點雙輝，都好呀，星期一個個都要返工工返學學，早D走都好既。11點客人已走得七七八八，開始執野埋單，換埋衫落吓粧，覺覺豬咯，正式結束奇妙的一天﹗
總括而言，整個婚禮過程，由始至終都好SMOOTH, 樣樣都在我地EXPECT同CONTROL之內，真的好開心，多謝個天，多謝阿姐，多謝所有落力幫我地的人.....因為我發現無論之前PLAN得幾好，到正式時一定忙到完全唔記得晒，好"哩HAR"，所以其他人的提醒和幫助好鬼重要。請大家接受我DAI B的一(飛)吻....啜~~~啜~~~啜~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~
星期一，當然要瞓到日上三竿啦﹗還衫的過程非常非常之順利，唔使5分鐘搞掂，正!!跟住又展開另一個奇妙的旅程，就係去迪士尼....酒店﹗由於之前一晚預計會夜瞓，所以心媽、心爸、心姐同諾哥全部休假一天，真比面﹗既然係咁，當然誠邀佢地一齊來DISNEYLAND HOTEL玩一DAY啦，見識吓都好嘛﹗
一入房，OH，正呀，對住個泳池，有嘢昅!!!!!!YEAH!!!!!!跟手當然搜集所有可帶走的紀念品，包括：門牌，拖鞋，白兔形毛巾，SHOWER PACK.....等等。再跟手就係戲肉，亦係今次兩位小朋友入嚟的目的：跳床!! 佢地係咁跳跳跳彈彈彈....嘩，幾ENJOY呀....因為平日响屋企係無可能咁做架嘛﹗搞到我DAI B都忍唔住上去跳咗一個ROUND。
之後，梗係出去行個轉睇睇風景。由於是日實在太天郎氣清的關係，大家都汗流浹背，眼都睜唔大。不過，個公園居然完全無人，就好似我地私人花園一樣，好有富豪FEEL，小朋友可以玩樹林迷宮，大朋友可以影吓相吹吹海風坐坐草地，一流呀﹗
幾個鐘之後，食埋晚飯，就送"心"氏一家四口出去搭地鐡咯。
~~~~~~~~~~~~~~~~~~~~~~~~~~~~~~~~~~~~~~~~~~~~~~
星期二，入DISNEYLAND PARK!!
見D廣告賣得咁行，以為個海盜王園好正啦﹗唓....原來只不過係响樂園的一個角落。又無咩特別，頂多得個海盜MICKEY同人影吓相咁，又無我DAI B個FRIEND~~~~~~POOH POOH喎~~~~~勁失望﹗不過算啦，反正我買咗ANNUAL PASS，入多幾次有SO呢﹗
不過，整日响樂園都OK既，因為人唔多，樣樣都唔洗排餐懵，咁好玩好多，我地淨係POOH HOUSE都玩咗兩次咁多啦﹗YEAH!! 不過，由於我地太樂極忘形的關係，居然賴低咗件外套响POOH HOUSE 成半日都唔發覺，直至入夜覺凍想著衫先發現，好彩入去搵得番咋，原來係跳跳虎執咗，比咗阿POOH，跟著BFC用咗兩樽蜜糖嚟同佢交換﹗
夜咯，要走咯，同POOH POOH講BYE BYE後，無睇煙花就閃咯，因為第二朝要早起返工工嘛﹗
四日假期，三個奇妙，正式結束。
