可愛的花女

噚日同咗心心姐諾諾哥去咗買花女裙，我第一次見人著件底衫加條花女裙，真奇特﹗講番條裙......嘩......原來呢小小布一d都唔平架，一件480，一件380，淨頭飾一個都要50大元，加對襪仔同花女鞋，埋單盛惠每位700幾銀﹗

最搞笑係心心姐原來鐘情粉紅色，但我地覺得花女裙都係白色順眼d，於是將花邊改粉紅色嚟應酬吓佢就算；個諾諾豬仲搞笑，開頭叫佢試，佢見咁多對眼望住佢點都唔制，後來個老闆娘比粒糖佢食之嘛，就當正人地好人.....佢著起條裙照鏡時仲發出會心的微笑呢!

希望到正日時佢地生生性性，千期唔好扮樹熊就好咯!