小強真可怕呀!!

星期五約咗一班舊同事食飯飯，and呢期指定動作......派帖。呢班舊同事講起嚟好奇妙，四個當中，我只同其中二個做過同事個半月咁大把，另外兩個係响我入呢間前公司時己辭咗職，可以講話素未謀面架噃﹗就响呢個半月內，我同一個坐在我前面的friend咗，根住even我走咗，佢都"柳"我出嚟食飯，藤"lung"瓜瓜"lung"藤之下，就識埋以前的兩個同事啦﹗以後，我地每逢其中一個生日，都會出嚟聚一聚，即係一年5次聚會，不經不覺又差不多4年了。我都做過幾份工，最長都有3年左右，但唔知點解，就算一齊做嘢時又幾friend，一齊食飯一齊放工，但往往走咗後就逐漸斷絕聯絡，點都唔及得上呢短短個半月的友情咁持久。所以有時人同人之間的相處好微妙，無得計算，無得勉強，只能隨緣。

~~~~~~~~~~~~~~~~~~~~~~~~~~~~~~~~~~~~~~~~~~~~

星期五晚我dai b通常都唔願瞓，"har"吓呢樣搞吓果樣，一個星期中，只有星期五/六可以夜瞓而第二朝又唔洗早起，咁星期六心心姐又响度留宿，無得開燈燈，於是咪趁星期五享受一下夜間的寧靜囉﹗就係我呢份任性，奶嘢啦~~~~~~~

話說我凌晨2點左右諗住走入廚房飲水去toilet跟住熄燈，就响我飲完水水之際，我發現有一粒好以"石"的物體"dun"落我膊頭仔度，好似有人叫我咁，大佬，夜媽媽有人拍你膊頭喎，咪話唔恐佈。我第一個反應即縮啦梗係~~我彈開兩步再回頭望一望周圍，由上到地，OH NO~~~~~我唔係撞鬼呀，係比好大隻........小強.........撞呀﹗係好大隻，成寸半長都有呀，我Dai B天不怕地不怕(呢句吹既, 嘻)，只怕小強。平日我夜媽媽急"殊殊"都會以9秒9的速度，盡量唔好四圍look，眼不見為乾淨。咁個晚係未熄燈架嘛，我無諗過佢地咁猖狂架噃，我唔犯佢佢犯我喎家陣.......你好野......我怕你﹗於是立即去拍熟睡中的Dai B媽幫手，佢在睡眼惺忪的情況下埋去一望，我見佢攞起拖鞋擺晒post，以為佢見到同可以活捉啦.....點知佢突然又放番低.....原來佢話頭先見到個黑影，眨吓眼又唔見咗嘞﹗OH NO AGAIN~~~~~咁點算呀？我好鬼驚架嘛﹗跟住Dai B媽走去攞"拜高"係咁噴係咁噴，但已比隻"賤野"逃之夭夭啦........跟住Dai B媽話會焗死佢架啦.......瞓啦....我咪叫佢幫我企响厠所門口，我拿拿臨去完即閃之房囉﹗跟住of course搵條布出嚟"攝住"所有房門"la"防止佢"捐"入嚟啦...........

之後直至今朝，逢親我出街or even離開房間一陣，我都會鎖好門窗，慎防"小強"。真係唔明，唔驚的人永遠見唔到撞唔到，隻"賤強"係都要走出嚟嚇我，我都已經避鬼咗佢架啦，仲要專登叫我﹗我真係想一隻手指"捽"死佢呀﹗哼﹗