"六傻"機場一日遊

噚日(星期日)無咩搞作，睇雜誌介紹過機場新開"翔天廊"，好似好好玩咁，咪又去遠行吓囉!

















所謂六傻，當然包括兩名小美人，佢地爸爸媽媽，本人同BFC。順帶一提，BFC响入去前拎部wii去改機，諗住玩老翻嘛....店員改機好快啫，9個字可以啦.....點知9個字再9個字都未得，最後等咗成兩粒鐘。But，BFC之前買的老翻英文版cooking mama居然在試機時唔work喎?!?! 唔係啩，改機都係為咗佢咋喎.....無計啦，咪諗住返屋企前在葵芳買過隻日文版囉.....點知....oh my god....係就係趕得切未閂門，但我地想玩的games居然全部無貨! 但個天都好鍚我地，最後搵到一個住附近的同事抄game，咁希望聽日可以成功試機啦!

講番個"翔天廊"，開頭都好驚新開幕又係長假期會巧多人架，但出乎意料喎，OK好行喎，人唔多，好寬敞，同兩個小朋友去簡直perfect，可以任行任走，任跑任跳! 最重要係toilet呢個設施認真一流，隔數多，人又小，唔使排隊，裡面又大又光猛，淨响厠格內行去開門出嚟都要兩三步呢吓掂嘛( >_<)!















Well~~果度其實店鋪不多，亦好common，如萬寧、Giodano ladies、cei....但食野的地方真的不小，有壽司、潮樓、上海菜、泰國菜，當然唔少得food court啦﹗最後我地在food court開餐，又有菠蘿炒飯，又有蒸餃，又有咖喱飯，又有炒芥蘭，又有hamburger，又有洋葱圈...oh very full...原本仲想叫個"高力豆莎"做飯後甜品，但個胃真的無位咯! 可惜! (唔平架，呢餐都要差不多250大元呀)


行行吓，好攰嘛....咪搵架車推袋囉.....順勢跳上去抖一抖囉(嘻嘻)!
















行得咁上下，咪打道回府囉....去程時nok仔搭巴士暈車浪，爭d嘔，以致有"長頭車"恐懼症...咁回程時咪諗住"打的"去東涌快好多，唔使兜路嘛...點知都係難逃一嘔(好在只嘔一啖水)! 跟住到搭地鐡，成個人精靈晒，所以我地決定以後同nok仔去街只可去地鐡沿線!















响呢度都比我發現到我的"至愛"，BFC當然又刻不容緩咁買比我啦~~~