緊張？

雖然大日子將到，但真係好緊張咩....又唔覺噃....都係小小咁啦﹗淨係覺得好煩，好多野搞，好多野要confirm，有小小worry咁啦﹗

5月1日星期二原本諗住只係去婚紗店試fitting，點知佢話約攞衫的時間好full，不如就即改即攞啦~~咁都好既，費事又要搵一日專登出過去，加上即改可以即試，穩陣好多﹗佢當時配埋首飾耳環比我，點知大家都忘中有漏，居然唔記得攞頭飾喎，唯有第二日再上番去拎囉﹗真失策........

咁多事裡面，最令我憂心忡忡既就係.....化粧師嘞﹗話說我星期二晚打比佢，諗住通知佢當日的時間同confirm一下個地址，點知我一話佢知當朝7:45到我屋企，佢居然答我：我盡趕啦!!唔係啩....我地編好晒時間，咁重要的日子，你同我講盡趕？assume佢接咗我個job唔應該接第二個job架嘛，係接都應該問吓我幾點先，無問題先接架嘛﹗

個個一聽都覺得好有問題，於是BFC咪打比緍紗鋪投訴囉﹗接電話的職員都尚算nice同helpful，佢地答應即刻跟進﹗但都要三、四個鐘先有回覆，話無問題架，化粧師7:30會派個助手上嚟幫我鬈頭髮先，跟住佢一定8:00前嚟到，一定會親自幫我化粧，實牙實齒咁話....咁無計啦，錢錢又比咗，唯有希望個天同阿姐保祐，事事順利啦﹗

忙完再返嚟呢度報告﹗