長腳蟹....好味道!

噚晚BFC舅父請我地一行10人去咗美麗華食buffet，果度至聞名係長腳蟹同煎芝士龍蝦，咁我地當日專政呢兩樣啦!

其實我Dai B食buffet絕對唔抵，因為個胃仔實在太細，300大元我諗我食唔夠50蚊己可以嗚金收兵! 但因為噚晚係同BFC個大妹farewell，佢要返澳洲啦，至重要係有人請，梗去啦!

一入場，已見林林總總Dai B至愛.....甜品....但奈何唔見晒D fruit tart仔，有無搞錯，我幾年前嚟食過有架喎，反而多咗個朱古力噴泉玩吓! 一坐低，即時走出去攞野食，首選熱盆，因為好肚餓，再掃落去鷄蛋焗大蝦、喬頭、凍盆、焗生蠔、仲有雲吞面同我的首選目標.....長腳蟹! 一拎埋位，BFC當然二話不說玩拆蟹啦(好彩佢無炒蝦啫....HAHA)! WOW....正呀....啖啖肉....開頭點醋嚟食，實在太酸，跟住試吓點辣椒仔，都係奇怪，跟住mug都唔點，先發覺原味至鮮甜!一食食咗成10隻腳咁多...oh quite full already!

轉頭又去掃，今勻輪到焗龍蝦。因於我Dai B唔食"豬士"，特登叫師傳有一隻唔落....但食落好鬼"un"，好似橡筯咁，有d失望。停一停，抖一抖，又掃....今次終於到咗甜品時間。一輪衝鋒，拎咗朱古力雪糕、芝麻雪糕、杏仁曲奇餅、楊枝甘露、糖漿布甸、仲有生果。好多呀，好鬼開心呀，一見到dessert我就開心架啦...可惜無fruit tart啦! 不過算啦，我食晒杯雪糕其實已經好飽，真係眼闊肚窄!!

9:30，大家都棒住個肚走人。