一週大事回顧

well~~上個禮拜基本上無咩特別，都係約班friend預祝吓生日咁囉﹗

星期二，約咗"蘇生"同"未來蘇太"食晚飯，順便比番d相(係cd-r咋)佢地。約呢對OT couple又點可以咁早呀，起碼7:30過後啦，咪唯有去花園街shopping下先囉，半個鐘之嘛，都買到一袋二袋喎，戰利品包括水杯、DV袋、環保袋、仲有荔枝同車厘子。

晚飯去咗椰林閣，都係一人一set扒咁啦......啊﹗原來佢地有事宣佈......係好事近喎.......約喺下年暑假喎.....咁一年前開始著手籌備差不多架啦﹗我同BFC剛剛完成呢個project，總有小小經驗可以分享下既﹗不過，佢地要擺成40圍咁多，個project唔止大呀，直頭huge添.....anyways, congratulations!!!!!!

===================================================

星期四，約咗成班舊同事食飯飯，我地每逢其中一個生日都會聚一聚，今次輪到我Dai B啦﹗

雖然在聘珍樓食，但極有情調，直頭西餐廳咁﹗有個樂手(其實係叔叔)响度不停彈piano，加上人又唔多，一枱大約有3-4個waiter圍住招呼，即係望實你一食完即收碟果種，VIP feel滿瀉呀﹗最頂癮係佢地見到我地又cheers又happy birthday，居然問係咪有人生日，送碟壽包比我地喎(但因為個waiter講野實在太"nur"，我地5個不約而同聽到佢話送首歌比我地喎，唔使啦啩....再問多次先搞清楚).....真係thank you晒﹗上壽包時仲有現場piano彈奏birthday song添呀﹗爽﹗

===================================================

星期五，輪到你啦....A小姐.....hahahahaha!!

我地專登揀咗fans開的cafe試一試，希望感受一下被阿姐完全包圍的感覺﹗唔.....食物OK啦，係fans自己親手煮同沖，滿載溫情，warm呀﹗

未有野食，以波子棋打發時間，玩食棋時，居然輸咗，無奶由架嘛，上訴捉波子棋，點知捉到一半野食就嚟啦﹗唔抵呀﹗

一傾傾咗差不多兩個半鐘，東南西北，無所不談!!嘻嘻.....仲有禮物收，又有免費飯食，真開心!!