生日大晒!!

6月17日，Happy Birthday to Dai B~~

慶祝節目，由星期六淩晨講起......

話說食完父親節飯，送埋兩位小美人返家"目目"後，心爸心媽就"柳"我地食糖水啦﹗好.....講咗咁多次，終於食得成"聰嫂"啦﹗雖則人地出名榴槤啫，都唔洗坐得咁近用榴槤味"攻"人地架嘛....咦!!!

食飽飽，百無聊賴，d shop又閂晒門，四條友居然行咗去戲院，原本想睇籮霸架嘛，但又無夜場，無癮!!!點知大家睇吓睇吓，竟然決定睇"神奇四俠之銀魔現身"午夜場?!?!?!.....咪講笑啦，拯救地球喎，我Dai B睇呢d戲會ZzzzzzzzZzzzzzzz架喎......哈，點知又唔係好差喎，個半鐘，OK啦，無瞓喎(事實因為太嘈，瞓唔著)，但勢估唔到我的倒數係睇住呢套戲啫?????? WHY?????????????












點幾鐘返到屋企，BFC送咗個"奇華"蛋糕比我吹蠟蠋，仲有生日禮物，冧﹗

瞓到日上三竿，想攞位飲茶居然排150張枱，吓???最後去餐廰据扒。之後去冒險樂園推銀，中咗3次jet pot，仲有一次係"777"添呀，連隔離個阿嬸都要坐我地個位，痴d luck呀!!

跟手心氏一家話要同我celebrate喎，去咗kowloon bay，至搞笑6個人質埋一齊影貼紙相，影完仲可以自己揀公仔揀圖案揀背景，足足消磨咗45mins，抵呀﹗

食完飯，係時侯回家啦.....端午節又見咯，nok仔你唔洗喊得咁淒涼架喎﹗

於是乎，今年的生日在又warm又平淡中帶小小驚喜中渡過﹗






佢叫巨無霸，英文名big mac，BFC送的，你地睇吓盒"的dark糖"同佢的size對比!!








BFC送的生日卡。















Dai B自己送比自己的。