奇妙之旅 - Part 2の送別海盜

33度....係33度....真係攝氏33度........

正當酷熱天氣警告生效、人人去咗游水、艷陽高高掛之時，我地又展開奇妙之旅第二回@海盜6月尾走人啦。

等心心姐跳完ballet，搭埋"長頭車"入到去都3:45，剛剛好烈日已過，無咁曬﹗入到去main street，啱啱巡遊的花車經過，睇埋先，hello hello!!!

呢次奇妙的目的，主攻海盜世界﹗咦.....都唔知係咪過晒考試季節，學生出晒籠，比起上次6月頭，人多咗幾倍，樣樣都要排排排﹗

第一站，搭"街渡"過對面泰山樹屋，果條長命樓梯認真攞命﹗

第二站，心氏家族去咗玩海盜版森林河流之旅，我同BFC看車(BB車)，實質係去咗買冰條食﹗

第三站，同海盜mickey影相，好彩得快一步咋，排到我地折龍，唔係又要等半粒鐘﹗
第四站，咖啡杯，"我無事，我無暈，唔洗扶我"﹗

第五站，pooh house，"1,2,3....對住大笨象....笑"，提咗你地架啦，都可以一個望左，一個望右，一個仲顧住影相添，谷氣﹗

第六站，原本想去"馳車"，但要排成粒鐘，放棄﹗

第七站，巴斯光年，嘭嘭嘭....嘭嘭嘭，我有21萬，心媽居然有67萬，都唔知係咪做馬﹗BFC得3萬幾，下回努力﹗乖﹗

最後一站，main street cafe....食dinner....邊食邊"裝"煙花，正﹗

PS: 話說我响網上book咗club house打波，點知唔記得咗噚晚10前一定要攞場，於是BFC急急腳趕去博一博(去到10:04)，佢先出閘衝上去，點知到我出閘時，居然發覺張"八達lone"响BFC度，打比佢又話去緊攞場，咪唯有拜拜"心氏一家"，再食粒粉糖，再企一企、等一等囉~~~點知BFC話咁快又落番MTR，佢話個club house已經埋咗數，闖關不成喎........真係混桔﹗