由於上星期NOK仔發燒病咗，有2日無綵排，我地都擔心佢唔知識唔識跳。但老師話唔緊要架，其實佢地一早學過晒，不嬲有跳開，綵排只係排企位啫，機會好難得架，老師都好想NOK仔出席得到!! 咁佢星期五都咀GEL GEL咯，即係無事啦，咪去表演囉!!
大會時間9點開始，我地要8:45去霸頭位，咪即係8:30要開始行過去啦，咁即係7:45要起身啦....嘩，同返工一樣早呀，NOK仔，點解你唔表演晏晝的一場啫???
今次主題係：慶祝香港回歸10週年之西貢學界表演，居然要立正面向國旗唱國歌喎，話時話，我都好似未試過喎! (幾驚咁大聲會嚇到NOK仔掩耳大叫呀，哈，佢又無喎，都話佢大個女架啦，放心晒) 跟住又嘉賓致詞，又朗誦，又跳舞唱歌.....NOK仔一班的表演排第10項。都係婆婆講得啱，應該將幼稚園的表演排先嘛，小朋友邊暑咁好耐性等咁耐先得架!!
終於差不多啦，老師"轟隆轟隆"拉火車拖佢地到表演台邊，但尷尬事發生啦....就係因為NOK仔兩日都無去REHERSAL，老師居然忘然帶佢的"夫拉圈"禾....眼見個個同色褲的小朋友都有"夫拉圈"，自己只得一枝"竹葉"，NOK仔明顯有小小失落!! 轉眼間，好運的事又嚟啦，老師急CALL嬸嬸，就响LAST MOMENT，嬸嬸趕到，NOK仔又重拾佢失去的"夫拉圈"啦!!! YEAH!!!!!
OH~~要出場啦~~NOK仔，加油，咪失禮呀!! 一班小朋友，有紅有藍吊帶褲，加4隻熊貓仔，就表演咗一場3分鐘的熊貓舞，重頭戲就係臨尾扭PAT PAT同講多謝啦，真係搞笑又CUTIE!! 幾時都話小朋友最受歡迎，幼稚園的表演一致獲得最多笑聲、掌聲及攝影鏡頭!!
WOW~~終於搞掂，NOK仔，恭喜你呀，你所有動作都做齊呀(雖然慢咗小小)，對於無咩綵排過的你嚟講，超水準啦!! GOOD!!!!!!!!!!!
沒有留言:
張貼留言