獎獎獎

小朋友真開心，暑假又來臨!!

心心同諾諾响星期三已開始放暑假，直至9月3號呀.....好小幼稚園放咁長架噃，哦，原來呢間只收11個月學費，咁就差唔多。

每逢學期至尾一日，例必頒一頒獎!! well~~依心心姐講，一班唔係個個都有獎，大概一半多d小朋友有咁啦，確實有小小"豬肉味"!!

星期二放咗學，兩位小朋友打比媽媽，對答如下:
心心：媽媽，媽媽，我同諾諾都有獎呀!!
心媽：係呀?咩獎呀?
心心：我都係得到"整體表現優異獎"囉(編：佢已連續4個學期得呢個獎)!
心媽：咁諾諾呢?
心心：老師話佢今個學期著衫叻咗好多，所以頒個獎比佢呀!
心媽：(即時扯晒黑線，但忍住笑)吓?真架?老師真係頒呢個獎比佢呀!
心心：係呀! 李老師咁同我講架......
諾諾：媽媽，媽媽，我有獎呀，份禮物係藍色架!
心媽：係呀~~咁除咗你，仲有無其他同個有呢個獎呀?
諾諾：無喎!
心媽：咁你果個係咩獎嚟架?
諾諾：唔知噃!
(下刪起碼20句無聊對話)

就係咁，心媽信到足，以為老師專登為諾仔開個新項目，名為"穿衣服最大進步獎"咁添，仲不停讚老師有創意，真頂癮!

點知夜晚返到屋企一望，唓.....原來係....登登登登...."服務獎"??!??!咁心心姐又話著衫進步獎??佢事後解釋話李老師咁樣同佢講嘛，佢咪以為係囉!!

仲有呀...事後老師派返頒獎時的相返嚟，原來仲有3個同學仔都拎呢個獎，咁諾諾又話無???莫非佢仲loading緊?!?!?!