諾諾金句 (五)

2007年8月19日

人物：心爸、心媽、諾仔(心心同婆婆去咗屯門)
地點：往深水埗

諾諾：媽媽，我地去邊呀?
心媽：深水埗囉。
諾諾：深水埗遠唔遠架?
心媽：幾遠架...
諾諾：咁洗唔唔洗搭車車架?
(心媽諗，梗要啦，唔通行路咩)
心媽：要架....
諾諾：吓?咁我咪又要嘔囉?
(諾諾好易暈車浪，長頭車係死敵....原來佢以為要搭巴士)
心媽(彷然大悟)：啊....搭地鐡得架啦.....
諾諾：好嘢!
(隨即蹦蹦跳興奮莫名)

去到深水埗，"區"緊雨，非常悶熱。
諾諾：好熱呀!我地幾時行商場呀?
心媽： 就啦.....一陣啦....
(終於入咗一間商店仔，享受一下陣陣的涼意)
諾諾(自言自語)：嘩! 好涼呀!!
(唔夠兩分鐘，又要走)
諾諾：吓?咁快?
(行唔夠十步)
諾諾：媽媽，究竟我地幾時去行商場啫?