2007年8月23日早上
暑假快將結束，兩位美人又要bye bye日日瞓到黃朝八晏(起碼10點)的生活，為免開學7:30起身引起太大的失控，心媽下令今個week開始8:30起身，下個week8:00，逐步回復正常生活。
豈料噚朝發生以下事情：
心媽10:30起身，聽到出面靜休休，無理由架，佢地兩個無可能咁和平架喎，就算玩得和平都無理由唔傾偈架嘛。再過5分鐘，終於有d聲啦，心媽出去，見到心心剛刷完牙攤响梳化，諾諾居然仲刷緊牙仔。
心媽：吓?你地兩個做咩咁晏起身呀?吓?心心?
(心心攞住部麥記遊戲機，瞄咗心媽一眼，繼續玩)
(心媽繼續傻婆咁搵人問)
心媽：姐姐，做咩你8:30唔嗌醒佢地呀?
工人姐姐：唉吔!我唔知喎...佢地兩個噚晚講，媽媽話聽朝可以瞓到10:30架嘛?
心媽：我幾時有講過呀?心心，我幾時同你講過可以瞓到10:30呀?
(心心依然望咗心媽一眼，唔出聲)
(心媽心生不忿，於是走去問正在刷牙的諾仔)
心媽(督一督諾仔個膊頭)：諾諾，我幾時話可以瞓到10:30呀?
(諾仔當時含住啖水，將個頭仔側小小望咗心媽一眼，又唔理佢繼續刷)
心媽(無奈下自言自語)：有無搞錯呀?唔得呀....聽朝一定要8:30起身呀!!
心心：姐姐，我要飲奶呀! (以為佢終於有回應添)
(諾諾刷完牙見到媽媽收衫)
諾諾：媽媽，呢d衫係咪乾架?
心媽：係呀....喂，你做咩今朝瞓到咁晏呀?(繼續窮追不捨)
諾諾：攞d衫入房先，姐姐，我要花生醬面包呀!!
?!?!?! hahahahaaa
佢地心諗：唓，唔瞓都瞓咗啦，想點喎? 咁眼瞓就梗係瞓晏d架啦，有咩問題喎? 聽朝的事聽朝先算啦!!
沒有留言:
張貼留言