喬妃齋

BFC考完試，咁啱心爸又逃學，決定join埋心氏夫婦去尖咀HAR。想食齋，心爸就介紹咗由蘇杏璇主理的"喬妃齋"，佢仲係VIP添呀!!(mug佢好鐘意食齋架咩?)

一入去，見到老闆娘蘇杏璇，嘩，瘦咗咁多呀!! 同佢當年做新紥師兄個樣真係爭得遠呀!!正當我地研究緊個餐牌時，佢閃埋嚟問：

蘇：點呀? 要咩食呀? (但語氣好平，無尾音)
we：有咩好介紹呀?
蘇：我啱食你地未必啱食架喎。
we：???????????????
(下刪無咩特別的對話)

我地要咗碟例牌齋魯味，佢攞埋嚟時加一句：專登比大碟咗你地呀!(跟住即行咗去，咁即係點解呀?)

是但啦，食咯，嘩，味道ok喎，酸齋真係好鬼酸，齋鴨腎夠惹味，係BFC牙痛嗌硬之嘛。

跟住有錦路雲吞，芋頭魚，咖哩唔知咩菇同雜錦窩湯面。每碟size都唔野小架喎，以為實食唔晒啦，哈，比我地掃吓掃吓又食得七七八八喎，証明味道確實唔錯。

其中咖哩唔知咩菇因有椰汁，我同心媽都唔多掂，突然蘇杏璇又閃埋嚟：
蘇：點呀，d野好唔好食呀?
we：幾好呀，係呢碟有小小椰汁，佢地兩個唔食啫!
蘇：咁洗唔洗叫多碟呀?
we：唔洗囉，而家已經驚食唔晒啦。
蘇：(指住我同心媽)咁你地兩個咪好唔抵囉!!

HAHAHAHAHA.....莫非佢以為我地係朋友，夾錢食飯?

埋單鬆人，眼見蘇杏璇之前走到出門口送客，但我地走，佢又唔出嚟，正當我地响度UM UM噚噚之際，突然後面有把平而倔的聲音：
蘇：食飽，走啦咩??
we：(真比佢嚇一大跳)係呀! (驚魂未定)
(LIFT門開)
蘇：咁下次嚟啦喎，拜拜。

EM....呢間齋OK喎，聽聞以前無咩人，做起咗而家都幾FULL呀，好多人都BOOK定位，搵日同多D人嚟食，咁就可以食多幾款野啦!