今次係罕有造節而又唔揀美心的一次，去咗海港，目的係試吓佢地馳名的燒鵝。7大2細，叫咗個8人餐另加燒鵝半隻同糯米飯一碟，嘩，碟碟都盤菜咁，even我地個個都放下keep fit的重擔，叫個胃包容小小，都真係頂唔順。個個飽到攤晒响度、枱上碟碟餸都仲剩返一半時，居然嚟多個(係盤)"營養蔬"，oh no，真係....不得了!! 最後，dai b媽本住食得唔好嘥的精神，總共包起3大盒拎走，估計應該夠食3餐有多!
食飽飽，去邊暑湊熱鬧好呢? 咦，無落雨喎，博一博去公園應吓節都好呀! 呀，公園不知幾咁多人，認真熱鬧，好彩我地都早有準備，帶咗膠枱布席(草)地而坐，可惜BFC數錯，唔夠枱布用，大家唯有親密小小，背貼背咁坐啦...hahaha。我地的賞月食品，傳統的只有迷你月餅一個，大人食美味米同飲汽水，小朋友食點心面同飲"0檬茶".....爽爆!
同心氏家族say byebye，咁早返屋企? 好悶啫....又唔想去得太遠，點好呢? 突然醒起家有肥貓，oh yes，一於湊佢落樓下個平台賞賞月，咪話唔帶佢去街啦吓!
沒有留言:
張貼留言