嗱嗱嗱，呢間就係保護咗我20年，栽培我成一朵美艷小花的溫室啦......查實係一間對正垃圾房的簾租屋!!300尺，5個人住，一間板間房同一雙碌格床，以前大部份小朋友就响咁既環境下長大! 悶咯，咪出走郎同鄰居玩or自己踩單車咁囉，無人理架，無比人捉咗去賣或者學壞，好好彩架啦!
呢張相考吓大家眼力，由上數下第10層，左邊數埋去第3間就係啦!!
我地住單數樓，無電梯架，只有雙數樓先有架咋....每次搭lift，要上一層or落一層，對一個美人嚟講，危架，不過無法....呢個樓梯口，就係每次出街街返屋企必經之處。
呢間又係經典~~"聯昌辦館"。我對呢間辦館的感情，响打風時尤其強烈。點解??話說我dai b家小時侯有不明文規定，响打風時，就會去呢度(因為exactly响樓下，從後門入，可無風無雨)買忌廉汽水同雪糕，返屋企自制雪糕梳打，一人一杯，正!! 點解一定要打風??唔知噃，mood到啩....記憶中無打風時確實好小有得食呢!!
公園，係每一個小朋友必到之處。環境依舊，面目全非。以前好common的玩意，如搖搖板、千揪之類，都因為危險而被拆走，幾可惜，好玩架!! 仲有石屎滑梯，真係諗起都想玩....點玩??咪首先搵張厚紙皮，墊住嚟sir囉，若然唔係，就咁sir落去，爛褲之餘，pat pat都損呀....陰功!!
沒有留言:
張貼留言