失"諾"記

事發地點：呢棵桃花樹&後面的玻璃門








經過：

話說噚日去咗"甩碌廣場"行"而家"，經過商場見到桃花樹响樓梯中間，咪停低影兩張相囉!

期間，心心姐貪玩DULL桃花樹，諗住行番個桃花運(同"IN林"? HA)，諾仔見家姐DULL得咁過癮，好禮貎地問："我都想去DULL個圈呀!"....咁我地一心佢都係跟家姐仔DULL桃花樹架啫....咪順口答："好呀!".....

跟手，心心响桃花樹下擺晒POSE比我地影相，咪"擦擦擦"咁影囉.....突然間，心媽問："阿妹呢?"....當場鴉雀無聲，你眼望我眼，個個周圍望，眼擎擎，唔見呀.....真係嚇到暈一暈呀....心媽於是邊叫"諾諾"邊虎衝上樓梯搵囡啦(好似做戲咁).....OH...NO....諾仔施施然微微咀笑住行番落嚟....原來佢唔係DULL桃花樹呀....係去咗DULL大門口個玻璃門呀....真老套呀.....真係心血小D都比佢嚇死呀! 佢都唔明，而家個世界壞人實在太多啦!

自此以後，明知點講佢都唔明，唯有佢行去邊都搵專人跟到實囉....唔係點啫!