30號，心心姐响商場表演BALLET，幾經艱苦先搵到個頭行靚位影相拍DV，總算可以近距離欣賞佢跳舞的丰姿!HA
小朋友即係小朋友，話說佢地出場係由其中一位小朋友好似舞龍咁帶住其他小朋友出嚟，但由於方向感仲未好強、加上一個唔熟性的家長為咗霸位影相踩住老師貼响地下比佢認方向的貼紙，居然哈碌，跳咗5秒要入去重新嚟過喎! 呵呵! 但第二次就無問題啦，一氣呵成，但仍有搞笑嘢，就係佢地最尾個個擺晒POSE時，居然個音樂重有成5秒先停喎，好明顯係佢地跳快咗啦! 不過以平均5/6歲的小朋友嚟講，跳得好PRO架啦! (掌聲鼓勵......啪啪啪)
31號，心氏三母女去咗個同學仔屋企玩，十幾個小朋友响1400尺左右的屋內嘶叫，噪音分貝都咪話唔驚人! 簡直難以想像呀!諾仔終於可以一解同佢好"FRIEND"的"同學仔"相思之苦，唔知佢之前果晚有無做定MASK呢可?HAHAHAHAHAA
夜晚COUNT DOWN當然唔願出街同人迫啦....只在屋企FIT....加香檳....仲有聖誕食剩的ICE CREAM CAKE.....3, 2 1 HAPPY NEW YEAR! 我好滿足架啦!
小朋友唔知點解好鐘意玩樓梯
少女心事中(實情係唔知邊個得罪咗佢，坐响樓梯度嬲緊)
1/1，同兩位小美人去咗睇"密蜂FILM".....WELL....故事當然好簡單，因為FOR小朋友睇，有搞笑有勵志咁啦.....我的COMMENT.....只係覺得.....睇完有小小腳痺啫!
沒有留言:
張貼留言