行山樂悠悠

星期日，天朗氣清，風高物燥，陽光溫和，大地回春，一行六人，百無聊賴，唯有登山遠足，眺望家園，一樂也! (係咪好有文采呢?咁多四字詞!)

由於第一趟行山，以屋企附近的矮山小試牛刀。但呢個山，確實唔係行山的好選擇，皆因太多樓級，平路極小，得個攰字! 好在唔太凍又唔太熱，仲有溫暖的太陽伯伯照住我地，都幾舒服。沿路人不多，所以都可以暢通無阻咁行，甚至打橫行都仲得!

趣事一：諾仔居然上到山咁偏僻都撞到同學仔喎，但佢呀，居然同人家BYE BYE後唔夠10步，就話呢個同學係全班"至曳"喎.....都唔知人家聽唔聽到架嘛.....第日講人事非記住行遠D啦.....經一事長一智呢!

趣事二：途中我地居然見到明星响暑放狗，係狄龍喎，原來佢無去肥姐的追思會喎!

行咗粒幾鐘，2800幾步，居然去咗清水灣，咁既情況下，最後當然係.....搭小巴返屋企啦!