19/3，假期一開始，自必然瞓到黃朝八晏先啱數架啦! 同BFC先去DRINK個TEA先，返屋企睇埋個真情，BFC就做一陣生意，出發去探阿姐及去花園街搵阿"平"(SHOPPING個PING)。收獲不算豐，柳哥衫一件，諾仔周未玩具一份：3D砌圖，小美人們頭飾一SET，以及在無面樂園換的枕頭一個同顏色筆一盒。
20/3，應承咗帶兩位小美人出街街，等佢地食埋晏沖埋涼"瓊"乾水先出發。首先去花卉展，諗住面對七彩繽粉的花朵，佢地實興奮莫名啦! 殊不知佢地一DDDDDDD興趣都無，一個ON居居向前行，一個就成日問幾時返出去，好肚餓，激死人! 35蚊入場費架嘛!
之後轉戰佢兩位至愛的朝拜聖地：MEGA BOX。都唔明點解，佢地咁鐘意去MEGA BOX，又細又無野行，不過算，今日你地話事，我就你地。去到都7點幾，上去兒童天地玩一陣+"立"兩筒糖，已要去食DINNER咯，食完已將近9:00咯，要回家咯，你話幾無謂呢! 但兩個小美人卻有完成一個大使命的成就感!
21/3，晨咁早遠征去大埔海濱公園。好一個極之普通的休憩公園，難為仲有咁多人响度影婚紗相，若我比成皮野出去，帶我嚟呢暑影外景，我實唔肯過佢地呀! 去到簡直飢寒交迫，唔係無野食，係實在太"那"脷，一碗面46元，3粒迷你燒賣5蚊，去搶咩，零願餓住出番市中心食好過!
食飽去咗行沙田，因為我地想睇梳化。嘩，真的食米唔知價咯，宜家好坐小小的一張都5990-6990，家陣我地心儀的茲曼尼都成4000，唔知有無SPONSOR呢可?HAHAHAHAHAA
22/3，原本想去一轉迪迪尼，EVEN小小世界未開，起碼都有小小EASTER佈置啩，點知"天公造美"，一起身己天陰有雨，原本都仲打算博一博照去，希望一陣就停，點知話口未完即"灑"一聲落到大一大，天文台仲發出雷暴警告添，真係唔該晒，各位休息一天。
23/3，先同BFC去陪父母飲茶，美心王LONE確實貴呀，除番開成30蚊碟點心，不過無計呀，係佢先唔洗等位嘛。之後同探完BB既心氐一家會合，去咗尖咀。又嚟幫襯"船船"的齋鋪，食物味道係不變，但服務真的不敢恭維。可能出咗名的關係，加多好多張枱，非常迫夾。最好笑係我地有小朋友架嘛，食到一半，居然有個待應叫人企我地後面等，話我地就走喎! 唔係啩，茶餐廳咩? 眼見好多訂咗位的食客嚟到都仲有排等，真係覺得食物幾好都無用，今時今日咁既服務態度唔得架嘛，齋鋪應該係一個好寧靜他條咁享用素菜的地方，但呢間做不到!
24/3，假期至後一天，要好好利用：瞓個夠攤個飽! NOTHING DONE!
沒有留言:
張貼留言