噚日，心心參加校際朗誦比賽，佢同另一個同學代表學校參加一年級女子組，一組有56人，只有冠亞季三個獎。由於心媽公事繁忙，於是由我帶心心去啦。
幾經波折，我呢個路盲最終都係打的去會場(咩社區會堂咁)。56個小朋友，全部唸同一首詩(聽咗56次幾乎我都識唸呢)。真的好佩服而家小朋友的勇氣，咁細個(6歲)已可以自己一個企在台上表演了，姑勿論成績如何，已好叻架啦，起碼沒有小朋友驚得滯失控走咗去或者大哭呀!
結果，三甲的小朋友真的唸得唔錯，夠大聲同有表情。心心：呢次係好珍貴的EXPERIENCE，下次努力吧!
沒有留言:
張貼留言