遺忘了的考試

就响噚晚搵周公前，突然醒起心心姐今日要參加ballet考試....心諗...佢媽媽無理由唔記得的，咁重要，尤其報名費又咁"la"脷(成600蚊架).........

好啦.....今朝長假期後返工都幾忙，所以到11點半突然心血來潮打比心媽睇吓佢地出門口未.....天意實在太奇妙，我一打到去，of course係心媽接，對答如下：

心媽(輕鬆隨口問)：咦，頭先個number係你公司直線？
我：係呀...咦~~係喎，心心今日考試喎!
心媽(拉長尾音在思考)：考咩試呀？
我：跳舞考試呀!
心媽(以爆咪的分貝大叫)：oh...shit....死啦，我真係唔記得咗呀!我唔同你講啦，byebye (呢20個字前後用咗2秒講晒)
我：哦....(噗一聲收線)...bye.....

記住，跳舞學校講明要12:15準時到，當時己時11:30....跟住心媽就即刻衝出廳大叫：心心快d換衫呀!要去考試呀........心心問：媽媽考咩試呀？....心媽話：你唔好問啦!我一陣同你講啦.....心媽大叫：姐姐快d嚟同心心著衫呀，求其著番噚日果套啦.......

就咁呯呯嘭嘭下，20分鐘後出門口.......事情又有小小波折，就係心媽又要較埋個錄影timer，諾諾一時又話要一齊去，一時又話要睇barney....一輪混亂下終於在12:10趕到學校，仲未換跳舞衫喎.....好在心心姐剛剪咗個短髮，唔使紮髻咋，唔係仲"呢har"呀.....wow.....終於趕得切!

有驚無險，又到1點，心心姐終於考完啦.....但問佢考試內容佢都"烏sir sir".....希望派成績表時OK啦! 不過呢勻心媽實比心心姐唱通街咯.....HAHAHAHAAA