婚宴場地佈置

星期二晚去佈置公司confirm埋婚宴會場的details，又係一陣眼花瞭亂。由於上次在會展落order時太倉促，今次先係真正了解到應該點樣配襯。足足睇咗三大本相簿，一本back drop，一本油畫相框，一本reception....最後落實以pink作為主色，香檳金絹布backup，再加上我地之前reject左的燈胆仔(因為之前驚燈胆加埋閃光燈會反光，但睇相又覺得OK喎，再唔係到時熄咗D燈胆囉)。

仲有仲有，就响我地傾佈置的同時，心爸心媽居然走咗去shopping.....收獲就係bow tie一大個，仲聽聞好鬼滿意添，兩隻中難以抉擇，最後居然叫個sales決定喎，真頂癮! 我問係咩色，又懶神秘，話要比個surprise我地喎....都唔知係驚定喜添架?!?! 哈...後嚟我諗諗吓，佢地一家四口，一個晚裝set晒頭，一個西裝打晒bow，二個又長又短的紗裙閃閃吓~~真係巧鬼搶鏡架噃~~使唔使咁"行"呀？

噚日晏晝食緊飯飯的時侯，A小姐打嚟，劈頭一句就話：我衰咗啦.....(原來佢考車牌衰咗).....我咪答佢：唔緊要喎，好多人都考兩次架啦﹗哈...佢就話：你好似好開心喎...我答：係呀﹗因為終於有人陪我囉，我屋企個個都係一次pass，終於有人陪我兩次啦﹗hahaha......
其實衰咗有咩緊要啫，至緊要有機會比你再嚟過啫﹗"有賭未為輸"嘛....唔好再咁緊張，平常心.....就真既..........