Happy Birthday!

5月30日，心心姐生日喎﹗5歲啦﹗


佢呀...晨早就同老師講話自己生日...搞到老師要臨急臨忙"摷"份禮物仔比佢，又頭飾又毛巾仔。最搞笑諾諾哥以為自己又生日，係都要話同家姐仔分享喎，咁家姐天性又孤寒，點肯呀?? 最後要心媽去零食物語買糖糖先平息到，可以分享一下咋!!


到咗夜晚，開咗個mini birthday party~~有蛋糕、薯條、薯片、花生、蝦條，仲有家鄉鷄同麥樂鷄添﹗真豐富﹗


"Happy birthday to you......Happy birthday to Sum Sum......"生日歌後，吹蠟燭，WOW~~~5歲了，大個女了，要考順"長輩"呀......跟住開餐﹗


用膳完畢，就係晚會既高潮---拆禮物。先嚟minnie汽水機，再嚟keroro棋，仲有媽媽放咗响屋企好耐又無包裝的玩具琴(一d驚喜都無果種)....咦仲有本日記簿喎?!?!


佢地即時姐妹同心，主攻minnie汽水機，其他禮物眼尾都唔睄一下﹗吹脹﹗


玩吓玩吓，夜咯，返歸咯.....棒住一大袋禮物，開開心心地回家﹗