原先買普通果種架，即係只有星期一至五可以去，咁大家都要返工工搵錢錢架嘛，唔係辦法喎，咪加咗一倍價錢有多upgrade做deluxe囉。我唔理呀，無論如何，呢年裡面，起碼要去番20次先為番本呀﹗
噚日，烈日當空，我地決定浩浩蕩蕩展開我地奇妙之旅part 1。原先見到個艷陽，好鬼驚，點知me me mo mo下，去到居然係5:05!! OH.....都就嚟日落西山啦，就算有太陽都唔憂晒親啦﹗等我地D太陽超、大陽帽同太陽遮都無用武之地添，好彩無帶埋太陽油啫!!
一到達，兩位美人已話要同mickey minnie影相，以為唔太多人咪排囉，點知輪到我地時，minnie居然話要停幾分鐘補粧喎....激氣...好，我等你! 跟住仲要同donald daisy同高飛影埋相先開始玩機動。
騎馬仔、小飛象、pooh house、仲有巴斯光年射槍，通通玩晒﹗爽﹗沿路去海盜王國....唓....原來已經7點，D公仔要走啦，好彩我地趕得切同高飛&布魯圖影埋咋，唔係真係無癮﹗
唔得，下次一去到要即去海盜王國，睇吓我個friend有無做咗海盜唔話過我知﹗
食埋餐唔太貴的晚餐，陪兩位小美人睇埋煙花，再買埋相，鬆人....下次見....
响迪士尼站，有架7仔零售車喎，好cutie，好得意﹗
1 則留言:
係囉！原本等兩位美人學完芭蕾舞，再食埋午餐，真係好晏咯，唔係太想入迪士尼呢！但大家都話唔趁天朗氣清去，下次又可能陰天或有事唔去得呢！又係的，寧願曬d都好過落雨去啦！
好啦！晏就晏啦！橫掂年票，今次玩唔晒咪下次再去玩囉，一年去20次，以香港迪士尼的面積，我相信我地一定每個角落都會玩過晒，甚至乎唔使睇地圖都可以背得出邊殊有tiolet呢！︰）
雖然遲入去樂園，不能說盡興，但都玩得好開心，無左趕頭趕命的心態，真係玩得零舍爽！正呀！不過成9點走，我地住得遠，返到屋企都成10:45pm咯，兩位美人沖完涼、飲埋奶，都成11:30pm咯，好夜勒！快瞓勒！明天仲要返學學架！︰（
所以下次我地要plan好少少，至少太夜返屋企都唔怕第二朝要起身返學同返工麻....好攰架！
今次「奇妙"辛苦"之旅part 1」圓滿結束......但我就要成2點多才可上床"覺覺豬"呢....ZZZZzzzzzzzzzzz
張貼留言