House warming

噚日Fans們嚟咗我地間pooh house玩，人物包括：小雲姐姐、阿地、占咪仔及準占咪嫂，原本實牙實齒話嚟的小艾迪走咗去做飛機師，而萬寧店長就因點貨未收工缺席。

一嚟到，同肥貓哥打聲招呼後，大家一齊睇婚紗同大婚當日的相，佢地異口同聲讚BFC化咗粧後"驚為天人"呢!!HAHAHAHAHA......

再嚟就係戲肉....決戰WII GAMES!! 由於雙打先過癮的關係，SPORT GAMES啱晒。首先熱吓身打TENNIS，POP POP聲，勁呀!! 繼之而碌LING，人人有份碌，結論就係我地個個都唔夠NOK仔高分囉!

最後.....WOW.....係BOXING爭霸戰! 第一回合，我DAI B對小雲姐姐，DAI B勝；第二回合，占咪仔對占咪嫂，占咪仔勝；第三回合，BFC對阿地，BFC勝!! YEAH!!!

激戰一輪，大家又攰又熱，坐低睇睇大婚的DVD。重溫當日的片段，真係既熱鬧又搞笑，ESPECIALLY某一兄弟同某一姐妹成日私自打情罵俏，有證有據，無得抵賴，真係頂佢地唔順!!

最後去咗我地成日BOOK咗都無去食的海港食飯，當然要試心媽極力推介的"馳名燒鵝"啦，真係OK喎，值得推薦!! 嘩，以為4人餐唔夠6人食，咪另加兩個小菜囉，點知碟碟都SIZE強勁，最後大家肚滿腸肥咁散BAND....多謝大家光臨!