噚晚瞓瞓吓，BFC突然彈起身，以為佢見到小強添....哦，原來係冷氣機滴水!!
呢幾部冷氣機，先天不足，不嬲都成日漏水架啦，為安全計，一於join咗個main先囉。
好啦~~今朝打電話上去約整機，我問個CS，星期六得唔得，佢答我最快11/8(今日先26/7???)；咁夜晚呢，佢話夜晚師傳唔開工(!!)；我又問，咁朝早又如何呀(我至多叫心媽幫我等)，佢居然check完一大輪答我無論咩時間，至快都要4/8喎(咁頭先又話星期六最快11/8，4/8都係星期六嚟喎)....
我火都嚟埋，即鬧：而家先26號，你要我等10日?唔係啩? 家陣我部機唔係滴水，係水喉咁漏水，一晚2盆，我屋企就嚟水浸啦! 我join你個保養，都要等10日，若我部機壞晒唔郁得，都係等10日啦喎??咁我保養嚟做mug呀，我不如用保養d錢自己落樓下搵個師傳整啦，又快又唔洗咁貴，仲咩時間都得! 咁你不如refund番main d錢比我啦!
個CS答：唔好意思呀! 師傳呢排好忙，好多單呀?
我咪話：咁即係你地d機都好有問題啦，個個都要整.....
CS又答：真係唔好意思呀! 不如我幫你約住4/8先，唔係一陣無埋添呀(大我呀???)
我話：你咪約囉....
跟住我要求同佢個super講，佢又推說super唔响度，叫我留電話一陣覆喎....我10:25am打去，家陣11:41am都未覆，呢d係咩服務態度呀??
嬲嬲地，咪叫BFC打去投訴囉，當然又係搵唔到個super，咪打去main hotline，大佢話send email + fax去佢地美國head office，轉頭個super先死死地氣打嚟，話執過個schedule，最快最快都要1/8下晏喎....無法....消費者真谷氣!!!
沒有留言:
張貼留言