噚晚終於欣賞咗第一套以Anita為中心的舞台戲首晚演出，開show前充滿期待。遇見好多Mui fans ，大家都係為著同一個目的而來：支持Anita的一切，只要有誠意，even別人模仿Anita也值得推介。
故事內容of coz係圍繞住Anita的一生，講close file(!!!)前要做一個回顧的大project.....只由一個女主角以歌聲同對白演繹....歌曲包括我至愛的歌之女、夢伴、冰山大火、飛躍舞台、壞女孩、何日、心債等等，並以夕陽之歌+婚紗作結尾 (>_<)。
當然，Anita就係Anita，只得一個，無人可以代替....但奈何.....其實，女主角某角度"立"吓眼都有dddddd咁多似Anita，加上自己的想像力及代入感，好快都投入咗個劇。女主角表現喜出望外，生動鬼馬，可能第一場的關係，開場唱幾首快歌時有小許緊張，唸對白亦有小小"nur"脷同拘謹。但好快佢亦進入狀態，演得放好多，唱歌亦明顯發揮自如，且帶有幾分阿姐的神髓。最touching之處莫過於唱"歌之女"時，佢跪低扮阿姐細個時唱荔園的辛酸，真係想攞tissue.....
睇完成個劇，thank you表演者的投入，令我响1:15hr裡面同其他fans一齊重溫阿姐好多重要的片段，重拾對阿姐的回憶及思念，確係誠意之作。
PS.：係個資料搜集有小小出錯，阿姐唔鍾打麻雀架，佢只係鍾意養狗狗同睇曼聯!!
沒有留言:
張貼留言