Dai B在屋村長大的日子(一)

Dai B由出世開始，就係住响坪石村，後嚟搬走咗。今日，就等我帶大家嚟個集體回憶先得。

"懷緬過去常陶醉，一貫樂事，一貫令人回味......"

首先，就係坪石村直接相連的MTR....彩虹站。唔好以為彩虹站响彩虹村，錯，其實彩虹站的主要出口全部响坪石村，反而彩虹村要行條好長的隧道先到。咁點解唔叫坪石站叫彩虹站呢? 根據媽媽解釋，係因為彩虹個名好聽d喎?!?!?!唔係啩??咁膚淺??









跟住就係呢間7仔嘞。7仔好多地方都有，但呢間7仔可謂陪住我成長，呢間大大話話開咗十幾廿年啦，歷丈悠久。想當年，我差不多日日放咗學，都同同學仔响度飲枝汽水or食杯當年勁hit的思樂冰先呢!









呢條路，就係由地鐡站行返我屋企必經之路，真係留低我唔小的腳毛。雖則屋村，但由地鐡行到返屋企，都係5分鐘，仲要唔洗淋雨，若然係私人樓，肯定升到ba ba聲呢!









講咗咁耐，都未講到我住邊座添.....登登登登......see



藍石樓





(下回再續)