小朋友，總離不開飲飲食食。以前食店的種類邊暑有而家咁多樣化呀?又西餐，又日本菜，又pizza，又麥當當咁....我地以前就只有成日跟住爸爸媽媽去飲茶架咋!!
嗱，圖中呢間，真係名符其實的老食店，我諗大得過我呀! 話時話，以前的食店衛生情況認真惡劣，小強四圍騰不特止，若去toilet，有隻老鼠從天而降亦不需太驚訝，佢地係酒樓的一份子!! (@.@) 若換著今日今時，比人釘咗牌十年啦!!
仲有，我記得以前唔係劃點心紙，係點心車推出嚟，遇著受歡迎的點心，要搶架；仲有喎，無點心卡"給"架喎，係臨走時個waiter數你枱面有幾多個籠，跟住自己出櫃面埋單架咋喎....嘩，你話以前的人幾講個"信"字呢!!
仲有呢個報攤，真係賺過我唔小錢錢啦。好多Anita的珍藏，都係响佢地度狩獵返嚟呢!飲茶買份報份雜誌歎一歎，係好正常的事，所以到今日都仲迄立不倒呢!!
沒有留言:
張貼留言