以前去過幾次西貢BB焦KING，係BB焦BUFFET，之前水準都OK掂，今次就確實唔掂檔，應該好難再有下一次。
首先，食物款式媽夫又普通，來來去去都係扒、翼、腸同丸。款式唔多都算，仲要唔好味喎，D丸又林又霉，扒又骨多肉小。至離譜係佢地提供沙律材料，如菠蘿、粟米、蕃茄等，但居然無沙律醬供應喎! 吓? 咁基本又CHEAP既野都無，真係"CALL NOW YEAH"!
仲有呀，佢地居然想呃我地錢錢添呀!混帳!
話說我地7大人2細路(諾仔只係比條線高咗小小都要買飛條氣已經唔係好順)，到買飛時，心媽又同DAI B媽掛住爭比錢(舅父架車唔夠坐，DAI B當時搭緊SHUTTLE BUS入去，無份爭)，佢地居然收我地7大7細喎(7個大人帶7個細路咁跨張)!?!?!? 咁可能係聽錯啫，哈，佢比飛時又居然識比7大2細即係9張飛喎，唔係14張喎! 咁即係點先? 相差成390銀呀!
食到尾聲時，無聊問心媽幾多錢，佢講個數同我之前計定果個差好遠喎! 無奶由架嘛! 好彩心媽有KEEP住張票尾啫，原來計咗7細，咪出去追番囉! 開頭出去，得我同心媽，佢地仲大我地，問咁多咗D飛呢? 哈，佢真搞笑，邊有飛剩呀? 若一早發現多咗幾張飛，都知收多錢啦，洗鬼咁遲先出嚟追呀? 我地咪話無囉，佢猛叫我地搵飛喎，但當時D職員個樣一D都唔詑異架噃。之後，BFC同DAI B媽都一齊出去拗，佢地即刻唔同樣，話"係呀，應該計錯咗"咁喎! 跟住仲好順攤好自然咁比番錢我地，一D都唔覺得有問題喎! 真係豈有此理! 想我地再嚟，難咯!
七點幾，居然落起大雨嚟，落咗陣就停，拿拿臨閃!
諾仔暈車浪，所以嬲咗成村人。
搭小巴回程，諾仔照舊嘔兩野。正當我地去咗"lone掃"食dessert時，佢一臉無癮話：點解唔去"如矮瓜"呀?我想食泡飯喎! 咦，係喎，佢好似成日都無咩正經野食過，加上頭先又嘔完，個胃仔又真係空架噃。我地又係衰既，唔理人地感受，明知人地唔食糖水，仲要陪我地食，齋睇無得食。NO PROBLEM，返我屋企，我煮西蘭花+靚仔過你食，仲有菜湯"浪浪"口! 你地睇佢幾滋味!
今次輪到肥貓哥有得睇無得食!
夜晚10點食飽飽的"爛鱔"一條。
沒有留言:
張貼留言