大嶼山半天遊

噚日阿姐生辰，一如以往，我地會去大嶼山拜祭。

攞咗半日假，怱怱同BFC食完晏，去街市買兩紥花即起程。

地鐵==> 東涌線 ==> 大嶼山巴士，到咗。氣來氣喘行完條百幾二百級的長樓梯，終於見到阿姐。原來有多fans已經嚟過，擺滿好多又黃又白的鮮花。同阿姐傾完一輪，打個眼色，揮揮手講byebye，下次再見!

落番嚟，同A小姐拜埋神求埋簽，未有巴士出東涌，去昂坪市集八個圈先得。嘩，水靜河飛得可憐呀，有d鋪頭直頭close埋添呀!

咦，突然發現呢張poster............








咩事呀? 原來係拍一拍張八達lone，就可以免費由東涌搭番去任可一個地鐵站。咁so? 我地當然拍啦! 但佢地都算諗得絕呀，要我地由呢邊個督行到另一邊個督督先有得拍，目的要我地行晒昂坪市集所有地方每一寸，希望我地消費，用心良苦。

可惜，呢個優惠都未能令市集起死回生，照樣係冷冷清清，"污英"都唔多隻呀!真係攤响地下玩"大長碌"都唔怕阻到人呀!









沿途只見到一堆約10個的人，以為遊客? NO NO NO....係所謂的工程師。點解所謂? 事關我經過佢地身邊時唔覺意聽到/見到其中一人指住好遠地方同另一個講：呢條要鬆，果條唔洗!....吓? 咁都得? 離遠係咁爾指吓，會唔會指錯OR另一個聽錯架? 鬆錯D纜咪.....屋O!