据番個扒先

上星期五，放咗工，同BFC無無聊聊走去咗据扒。

咪以為据扒一定要candle light喎，我地去間茶餐廳，環境OK，係嘈咗小小，但幾乾淨，至重要係抵食夾大件嘛!

先嚟介紹吓環境，當然有一般的4人卡位，但其他茶餐廳的大圓枱，佢改咗長卡位，起碼可以坐到8-10人呀，又幾鬼有特色，合晒香港人鐘意揀卡位的心態。

再睇睇餐牌先，嘩，平到笑呀....所有扒(包括豬牛鷄同雜)一律$27/客，加湯/凍飲另加5蚊。

肚餓咯，快d叫野食先得。我of coz要鷄扒，BFC要雜扒，兩份飲一杯凍O水，共$59。野食嚟啦，oh，塊塊扒都成個鐵板咁大，食一半已經FULL晒!