不一樣的魚旦粉

噚日同BFC去咗食面，過程無咩特別，食完抺咀諗住閃，奇怪既事開始發生......

介紹一下環境先，面店唔係高級地方，預咗迫架啦，唔通食完仲諗住悠閑坐响度吹下水先咩，梗係即閃啦。

咁我同BFC坐卡位的一邊，對面的埋邊係一個女人，佢叫咗碗魚旦粉。好嘞，首先，有個女人坐落對面另一個位度，佢當時拎住個大手袋同一袋鞋。一坐低，野食又唔叫，淨係眼超超我地呢邊同咀妙妙。我心諗，我識你架咩?我爭你錢咩?唔係喎....跟住，個侍應醒目，話攞張圓椅比佢放野，哦，原來係咁....唓，你明知自己拎住野，見無位放就咪鬼坐落嚟囉，啤我地做咩啫?關我叉事? 後嚟，佢見到另外有個大d既位閃咗。事後我諗番起，可能佢見我地剛食完放低筷子，以為我地即走，點知我地仲要new牙，咪條氣唔順眼超超囉! 真係.....咁都得?

怪事日日有，噚日特別多。响個女人閃後，同一個位，另一個化行粧的"白面女"坐低，佢一嚟叫魚旦粉。跟住，先嚟一碗魚旦粉係埋面個女人既，再嚟一碗就係個白面女既。此時，白面女發作啦.....佢細細力慢動作督一督自己碗粉面頭塊魚片同芫茜葱，跟住瞄咗隔離人地食緊碗粉一眼，跟住又望住自己碗粉發呆咗2秒後再new咗兩吓，又定格望住隔望碗粉，直至人地食緊都望番佢轉頭，先如夢初醒咁叫個待應埋嚟：

白面女：點解我呢碗同佢果碗唔同既?
(侍應望一望隔離碗粉)
侍應：有咩唔同呀?
白面女：總之唔同啦，你換過碗比我啦!
侍應：你都要話比我知有咩唔同先得架...
白面女：我碗有油佢碗無!
(魚旦粉會無油???????)
侍應：全部湯底都一樣架喎，佢果碗都有油架喎!
白面女：你換碗比我啦.....
(侍應唯有將碗粉拎走啦)

呢段對話聽到我同BFC同另一個女人抓晒頭，問號滿場飛，因為我地全部都唔覺有咩唔同，淨知個白面女好似鬼一樣講野又細聲又無tone又面無表情啫!

嚇一嚇，我地當然速速new埋牙撇啦，唔係一陣佢發癲拎起碗面"車"過嚟點算呀!

當我地找數時，碌面部响後面，我見到全部伙計都搞唔清碗粉有咩唔妥，既然係咁，佢地真係睬你都傻，我見個伙計用手拎返起d魚旦放响一邊，再將成碗粉倒落熱湯再碌一碌算啦!

白面女見到同一碗粉後的反應係點? 唔知喎，亦都唔想知!