原本佢地想去睇菠蘿苞個"海底世界"既，點知原來咁受歡迎，爆晒，又發現可以在通利預售7日飛，所以決定擇日重賽。
去唔成睇film，佢地走咗去文化中心做拍友、影沙龍。但噚日太陽伯伯又無偷懶，企正响佢地頭殼頂，搞到個個變濕水鴨。悶熱令人煩燥，諾仔心情大受影响，擺咗幾個pose後，大發雷霆，一輪咀機關槍式當街大鬧心媽：又話影一陣?又話去有冷氣地方?你又話唔拖家姐?(下刪數句我已唔記得的對白)......平時又唔見你講野咁流利既?hahaha
跟住佢地排隊上郵輪。郵輪?咁豪? oh sorry....漏咗....係郵輪圖書館"忠僕號"至真。呢隻船成100年歷史架啦，2010年將會退役，上面主要係賣世界各地圖書，全部職員都係義工嚟架! 佢地足足排咗粒半鐘，唓，原來隻船無冷氣架，咪又令諾仔煩燥不安囉，仲暗地垂淚添呀...陰功! 所以，逗留20分鐘，速逃走為上著，食飯好過!
TIMING夾，我地咪約埋一齊食晚飯囉。咁我响星光大道，行去海運都有一段距離嘛。事後心媽話我知，等我地時，諾仔又發難渣，猛問"點解姨姨咁耐架?"....又踎响地下....心爸見佢咁肉酸，唯有抱起佢....怪不得當我地趕到時，佢啤行我，好彩無鬧我咋!
我地又去咗蘇杏璇間"喬妃齋"食，今次照舊有"齋魯味"、"錦露雲吞"同"竽頭魚"，其他請睇睇張相啦。
蘇杏璇依然會走埋嚟招呼同落單，令人賓至如歸。但BFC，現代化的城市都仲有d鋪頭唔收VISA架，知無?
沒有留言:
張貼留言