Anita走咗快4年，時間雖然會悄悄咁溜走，但思念的情意永在。尤其一班有心的梅迷，自組"芳心薈 Mui Nation"，以展覽會的方式延續Anita的精神。
展覽會題為"生有限 愛無限 - 香港的女兒梅艷芳紀念展覽"，地點响星光大道同新世界中心地庫二層，時間是6/10/07-20/10/07(星光大道)及6/10/07-15/11/07(新世界中心)。
星期六晚為展會開幕禮，因有事出席不到，所以噚日先去欣賞順便買紀念品。睇返報紙話當晚有許志安同黎小田，加埋好多粉絲，又幾熱鬧喎，啱晒阿姐!
噚日，先去新世界中心，嘩，勁呀，好大個1:1的3D Anita呀，好神似呀，真係"芳"華再現呀! 旁邊仲有好多巨型poster，啱啱人流唔太多，可以任我影餐飽。好耐未試過咁多target比我輪住影啦，一般情況只有我去搵target影之嘛。我一輪狂風掃落葉後，可能d人見我地影得咁開心咁投入，就埋嚟影/睇，令個場好熱鬧，阿姐亦得到更多人的欣賞及認同，我地走果時個場勁熱鬧呀，有d靚相要排隊影添呀!
下一站....星光大道。一去到，見到counter，當然買番隻記念CD先啦。
沿途見到好多阿姐呀....我旁若無人咁影，擺出一副瘋狂追星族姿態，呢種感覺實在久違了。咔咔咔，幾驚張SD card full呀!
影影吓，聽到一個自由人以80%純正廣東話講：佢(Anita)唱歌真係一流呀!....同志，你真有見地，give me five!
呢個exhibition由零開始走向成功，全賴一班有心梅迷的出錢出力，你地付出的汗水，阿姐一定收到晒! 呢個展會係自阿姐走後最令我感動和投入的紀念活動，希望呢份熱情能永遠繼續!
沒有留言:
張貼留言