BOOK酒店房時每日FREE咗4張早餐卷，以為小朋友唔洗錢啦，咪一行6人拉隊去食囉。點知食到一半，個待應先拎張單嚟話收兩位小朋友錢喎，激氣! 於是，之後果2日，我地決定2個2個咁去食，小朋友就買其他野比佢地食。
動物園篇：
一早搭捷運木柵線去動物園站，進運"台北市立動物園"。由於大家太惹蚊的關係，各自貼上起碼3-4個的蚊貼，加上強力蚊怕水，睇你地點埋身!
動物園內，有好多唔同的動物，主要有黑熊呀、馬騮呀、羊呀、馬呀、忽忽呀、鹿呀、企鵝呀....咁囉。但獅子老虎大笨象中，我只見到獅子咋，因為落住毛毛雨，加上又係時間的關係，我地都無行晒成個動物園，所以係有D MISS咗的。
貓空纜車篇：
呢架等如"相皂"的360，但呢度比相皂更新，更多人.....排咗約40分鐘，終於上到車...可是，天雨毛毛，D景物就好似海市晨樓一樣突然消失又突然出現番，有另一種的美!
貓空站上面就如相皂的山頂一樣，有幾間貴夾唔飽的食店，仲有幾間古式古鄉品茶的地方咁囉。
西門町篇：
夜晚見無咩落雨，搭一個捷運站去西門町逛一逛。原本好多小食檔的，但當日可能星期日啩，警察常出現，亦即成日走鬼，搞到醫唔飽個肚，最後要走去麥叔叔度搞掂。
地震篇：
夜晚12點幾成點鐘，我同BFC同心媽三個响房坐坐吓，突然覺得張椅郁郁吓，好似坐緊水床+暈船浪咁。心媽就以為自己食咗頭痛藥發作，BFC就以為自己眼瞓得滯，而我就以為係自己張椅唔穩陣。正當大家心裡忐忑之際，BFC忍唔住問：你地覺唔覺得D野郁呀? 我地兩個才爭住話：係呀....唉吔....地震呀!
說時遲那時快，心爸從隔離房走過嚟搞門，地震呀，因為佢見到D衫架FING吓FING吓呀! O....於時佢拿拿臨走落去問吓D酒店職員點疏散啦~~個結果係~~佢地若無其事咁話：好正常的，台灣一個月有20-30次呢類的震。原來係我地唔慣大驚小怪咋....嚇得我地....
睇番報紙，原來宜蘭6級地震呀，台北市大部份樓宇都搖晃呀! 感謝上天保祐!
沒有留言:
張貼留言