晨早起床清新開朗，今日嚟到總統府，即係家陣小馬哥的屋企呢。
毛毛細雨之下，總統府外依舊係有好多特務守住。佢地個頭機械式咁180度掃視，究竟佢地係咪認真咁望，同埋會唔會有職業性勞損既呢可? 有無得賠呢?
就响我地興緻勃勃影相之際，我地居然走咗入地的軍事重地都唔知添! 唉吔....好在我地一家大細傻吓傻吓無殺傷力咁咋，唔係實以為我地係刺客，襟我地响地下用槍頭指住我地個暈精都有之~~STILL 汗ING~~
可能我地實在太擾攘，最後居然有個捕緊唔知咩的記者主動幫我地影大合照呢....THANKS....
自由廣場篇：
前身為"中正紀念堂"......
無咩特別，幾大吓咁囉，同埋條樓梯好長吓咁囉。响暑買咗個總統府紙模型，未砌。
鼎泰豐篇：
WELL~~呢暑係我地整個行程至滿意的一餐 -- 包括食物和廁所。
食物比9個"叻"(10個為滿分)呀....尤其小籠包....嘩....唔太熱都好好味(好難的)...塊皮唔易穿....肯定D汁唔會流晒出嚟....咦.....諗起都想吔番個!
我地食咗3大籠(每籠10個)的包餃，2個大包，再加咗1碟炒飯1碗湯面，加埋一都係港幣300蚊，抵到笑呀!
終於講到戲肉，佢地個廁所簡直一絕呀! 每次有人如廁完，廁所管理員都會好有禮地"等E沙"....原來佢係要入去睇吓乾唔乾淨，再用布抺一抺，跟手換埋廁紙，若然唔太多人直頭會將廁紙頭接三角添呀....嘩，簡直酒店級數呀....今時今日要有咁既服務態度先得架嘛!
冰館篇：
食飽小籠包，BFC又話要食冰喎，原來係呢間"冰館"。正呀，每DULL幾十蚊台幣，但成個湯碗咁大喎....2碗六份食都食唔晒呀...好味道!
淡水篇：
淡水即係香港的赤柱咁上下，成條街都係小食同買手信的鋪頭。又係因為毛毛雨，我地未能盡情食盡情買，有點美中不足......
士林夜市篇：
既然淡水食唔飽，自然要再搵食。先同兩位小美人返酒店食個杯面打打底，再出發去士林夜市。呢度至多係蚵仔煎同大腸包小腸....但超級抵。嗌4、5蝶野都係170台幣左右，即係港幣40，味道唔錯。
响呢度，BFC就食咗佢台北之旅的第4塊鷄排....HAHAHA
沒有留言:
張貼留言