台北遊(一) - 31/5

出發篇：

7:00AM...精神奕奕向台北出發....

機場CHECK IN，劃位寄行李，一切順利。吔個早餐，上飛機。兩位美人第一次搭飛鳥，又唔驚又無耳痛，勁! 約12:00NN，到達台北機場。








酒店篇：

我地今次揀咗前身"熹耳頓"的"愛撒酒店"，貪佢夠大夠乾淨夠隱陣呀嘛。

BB波士篇：

行程第一站去玩小朋友扮大人的~~BB波士。由於5月係"媽媽月"，成人免費，所以我地趕响5月最後一日玩咗先，慳返4張大人票食餐飯都好嘛。

由於時間既關係，只玩得四樣野 -- 飛機師、楂牛奶、整比薩同消防員。其實都幾好玩的，比小朋友試吓做唔同的行業，有唔同的造型，可惜言語不通，加上大會時間編排得唔好，未能盡興。不過唔緊要啦，起碼有個食得入口的披薩醫醫肚。































趣事一則：話說佢地每做完一份工，就有"10圓"作人工，典知佢係象徵式架啫，以為可以在場內當現金卷買野食架嘛，於是咪點心爸去買囉，典知比個職員笑笑口話呢d唔用得的，係玩架啫，幾瘀呀，幾傻仔呀!HAHA.....好嘞，跟住整披薩後，當攞返自己果個時，姐姐話每個盛惠"5圓"喎....可是...又天真又傻的我地又以為真的要比現金喎，原來只需比玩具錢就可以了，屋O，真搞笑。

華西街篇：

去完BB波士，諗住搵d野食，典知比個的士司機點咗去勁"繁榮"的華西街。幾經辛苦，終於搵到間正常d的食店，求其點咗隻鷄同炒吓菜算數。