心心的生日會

30/5係心心6歲的大喜日子，唔講唔知，原來心心係同"唱K的白雪公主"同一日生日的....OMG!

當日心媽請咗一日假陪佢地，兩位美人亦唔洗返學....點解? 話說心心上年生日當天周圍同老師講自己生日，搞到個個都要送小小禮物過佢，唔好意思嘛! 咪斬腳趾避沙蟲咁索性唔返學囉...HAHA...

當天落住狂風雷暴，個天黑到墨斗，唯有選擇室內活動，就係去蒙面樂園嘞，聽聞玩咗百幾個COINS呀....真豪真過癮! 夜晚就快快地食咗馬交茶餐廳，跟手返去切CAKE同拆GIFT....係拿拿臨果隻....因為大家都要執齊野早D覺覺豬準備明天的台灣行嘛。

HAPPY BIRTHDAY!