小一派位

上星期六(7/6)，原本係小一派位放榜的大日子，心心有份架嘛，可惜個天發晒老脾，黑色暴雨禾，改期聽日禾，無計啦，唯有緊張多一日起啦!

星期日一早，心爸心媽去攞結果，原來唔係搣3邊的信封自己睇喎，係比名個職員後讀比家長聽，再比多張註冊紙你咁架喎!

詳情如下：

職員甲：你個小朋友叫咩名呀?
心媽：XXX
(職員甲再對一下其他資料)
(同時，旁邊的職員乙已拎住個派位結果)
(心爸心媽稍移玉步)
職員乙：你的小朋友被派去基督教XX小學....
心媽(大喜)：係呀(高八度)...唔該晒呀(四萬咁口)
(第一志願呀! BINGO!)

好囉好囉...安樂晒...心心入咗心儀的小學，諾諾就唔洗憂咯! 可是，有人歡喜有人愁，心心的同學仔有D派唔到第一志願，小朋友當然唔知咩事，但家長愁爆! 希望佢地叩門成功，同郭校長的推薦信有效啦!