學校規定每個學生只有兩個家長入內，但咁多人，邊有人數我地呀! 於是我Dai B同心媽在博大霧下偷運埋BFC入去，等佢欣賞吓心心姐的丰姿! 入到去，老師都講明小朋友可能唔慣咁多人望住，會有小小緊張。果然不出所料，心心姐係極之緊張.....因為佢緊張時會抓頭的小動作出賣咗佢。跳吓跳吓，老師話請媽媽出去一齊跳，心心姐居然走埋嚟，唔係啩?????? 咁大個媽媽都唔叫?????? 好彩都係跳D好簡單的舞步，伸吓腳，fing吓手咁，尤其"扭pat"呢吓又點會難倒我呀? 哈..............
出嚟之後，我地三個大人都有小小失望，唔係對心心姐失望，係覺得跳咗成年幾，動作都係同諾諾哥跳咗3個月差唔多，我地以為最起碼都有用腳尖行路睇吓嘛! OH!!!!!!!!!
之後無咩搞作，咪番屋企玩鑽牆囉.....由心爸操刀，BFC協助(拎住部吸塵機吸灰).....終於在一個鐘內完成開8大個窿窿的創舉!! Yeah!!
1 則留言:
唓....每年呢間學校都有兩次觀課，以為正啦！可以欣賞下自己個女的舞姿，原來係為左派成績表加學費咋！一年兩次真"那利"！愈來愈覺這間學校好商業味，真係要部署吓轉校的資料先，喂！Dai B幫手搵下資料先得架....哈！
係囉！明明尋日諾仔邀請家長跳的舞都算複雜，又潑魚翅、又尖鉛筆、掘鉛筆，仲要扒地架，點解心心姐教家長跳的舞咁鬼簡單架....唔公平喎！心心姐仲要高班d架喎....早知我同Dai B掉轉啦.....>^^<
張貼留言