地點：Dai B媽屋企個廚房
人物：Dai B、心媽、心心姐
經過：心媽想洗碗，搵唔到新手套，我Dai B咪入去幫佢搵囉。此時，心心姐又八卦，走入嚟睇我地做咩。當時的佈局係心媽企廚房最入面，我企廚房門口個鞋櫃旁，心心姐企响我地中間左右逢源。
我打開鞋櫃，準備攞放手套個鞋盒出嚟。我一路打開鞋盒，一路同心媽講緊野。開咗個鞋盒，一望......好似做戲咁，將個鞋盒向上拋高1/2寸FING落地，"嘩"一聲，跟住以拍得住劉翔的速度飛出廰....呢個時侯，心心姐其實唔知發生咩事，只見個鞋櫃响佢身邊飛落嚟，跌响佢腳邊，又跟我"嘩"，跟住蟹一樣打橫跣出嚟....最後，心媽見我地走晒，又"嘩"一聲，又係打橫跣埋出嚟....即係我地三個環迴三重奏"嘩""嘩""嘩"......
响廰的人，比我地嚇得半呆，反而諾仔好振定問"咩事呀"? 連舅父都比我地嚇到彈起身.....BFC開始SENSE到咩事啦...即衝入去，原來個鞋盒比我凌空拋起後自動COME番埋，於時佢原個拎入TOILET，同DAI B爸一前一後捉小強....佢話隻小強可能比我掟到暈陀陀，反轉個盒CHOP極都唔曉出嚟.....最後.....當然响呢個世界消失咗啦!
真係嚇死我呀.....近距離望到仲要向我隻手指中埋嚟喎....我FING開個盒係自然反應....因為死敵當前...."梳離"呀心心姐....爭D掟中你添....以後盡量唔好企响我正前面呀!
沒有留言:
張貼留言